സ്വകാര്യ ബസിന്റെ പിൻ സീറ്റിൽ യാത്ര ചെയ്യവേ 17കാരന് പീഡനം; പ്രതിയ്ക്കായി അന്വേഷണം തുടങ്ങി

സ്വകാര്യ ബസിന്റെ പിൻസീറ്റിലിരുന്ന് യാത്ര ചെയ്യുമ്പോഴാണ് 17കാരന് നേരെ അക്രമമുണ്ടായത്. പിന്നീട് പൊലീസിൽ പരാതി നൽകുകയായിരുന്നു. പതിനേഴുകാരന്‍റെ മൊഴിയെടുത്തശേഷം പൊലീസ് കേസെടുക്കുകയായിരുന്നു. സംഭവത്തിൽ പൊലീസ് അന്വേഷണം ആരംഭിച്ചിട്ടുണ്ട്. പതിനേഴുകാരനെതിരെ ലൈംഗികാതിക്രമം നടത്തിയ ആളെക്കുറിച്ച് സൂചന ലഭിച്ചതായും പ്രതിയെ ഉടൻ പിടികൂടുമെന്നും പൊലീസ് അറിയിച്ചു.

Also Read- ദേഹത്തുണ്ടായിരുന്നത് സാധാരണ ധരിക്കുന്ന വസ്ത്രങ്ങളല്ല; നെഞ്ചിൽ നഖം കൊണ്ടുള്ള പാടുകളും; 11 കാരിയുടെ മരണത്തിൽ ദുരൂഹത ആരോപിച്ച് കുടുംബം

കോഴിക്കോടുണ്ടായ മറ്റൊരു സംഭവത്തിൽ 16കാരനെതിരെ ലൈംഗികാതിക്രമശ്രമം ഉണ്ടായിരുന്നു. ക്വട്ടേഷൻ സംഘമാണ് ആൺകുട്ടിയെ ഉപദ്രവിക്കാൻ ശ്രമിച്ചത്. കുട്ടി തലനാരിഴക്ക് രക്ഷപ്പെടുകയായിരുന്നു. സുഹൃത്തുക്കളോടൊപ്പം ബീച്ചിലെത്തിയ കുട്ടിക്കാണ് ദുരനുഭവമുണ്ടായത്. സംഭവത്തില്‍ ക്വട്ടേഷന്‍ നേതാവും സംഘവും അറസ്റ്റിലായി. കോഴിക്കോട് പന്നിയങ്കര നൈനൂക്ക് (40), കൂട്ടാളികളായ നിഷാദ്, സാജര്‍, ജാസിം എന്നിവരെയാണ് കോഴിക്കോട് ടൗണ്‍ പൊലീസ് പിടികൂടിയത്.