മാട്രിമോണി സൈറ്റിൽ വ്യാജ ഐഡിയിൽ യുവതിയിൽ നിന്ന് 19 ലക്ഷം തട്ടിയെടുത്ത 24-കാരി അറസ്റ്റിൽ

കൊച്ചി: വിവാഹ വാഗ്‌ദാനം നൽകി യുവതിയിൽ നിന്ന് 19 ലക്ഷം തട്ടിയെടുത്ത കേസിൽ 24-കാരി അറസ്റ്റിൽ. തൃശ്ശൂർ പൂമംഗലം എടക്കുളം പാളയംകോട് പി എ നിത (24) യെയാണ് കളമശ്ശേരി പോലീസ് അറസ്റ്റ് ചെയ്തത്. 'വേ ടു നിക്കാഹ്’ എന്ന ഓൺലൈൻ മാട്രിമോണിയൽ സൈറ്റിൽ വ്യാജ ഐഡിയുണ്ടാക്കിയാണ് പ്രതി തട്ടിപ്പ് നടത്തിയതെന്ന് പോലീസ് പറയുന്നു. ആലപ്പുഴക്കാരിയായ യുവതിയുടെ പരാതിയിന്മേലാണ് നടപടി.ഇവരിൽ നിന്നാണ് നിത 19 ലക്ഷം രൂപ തട്ടിയെടുത്തത്. കേസിൽ നിതയുടെ ഭർത്താവ് ഫഹദാണ് ഒന്നാം പ്രതി. ഇയാൾ വിദേശത്താണ്.