ബൈക്കിൽ കാമുകിക്കൊപ്പം യാത്ര ചെയ്ത 27കാരനെ കാമുകിയുടെ ബന്ധുക്കള്‍ തല്ലിക്കൊന്നു

യുവാവിന്റെ അമ്മായിയുടെ വീടിന് സമീപത്താണ് പെൺകുട്ടിയുടെ വീട്. കാമുകിയെ കാണാനായി ഇടയ്ക്കിടെ നിഷാദ് അമ്മായിയുടെ വീട്ടിലെത്തുമായിരുന്നു. തിങ്കളാഴ്ച ഇവിടെ എത്തിയ നിഷാദ് രാത്രി കാമുകിയെ ബൈക്കിൽ കയറ്റി പോവുകയായിരുന്നു. പുലർച്ചെ നാലു മണിയോടെ തിരികെ എത്തിക്കാനായി ബൈക്കിൽ പോകവെ, പെൺകുട്ടിയുടെ ബന്ധുക്കളിൽ ചിലർ ഇരുവരെയും കണ്ടു. വണ്ടി തടഞ്ഞ് നിർത്തിയ ശേഷം നിഷാദിനെ അതിക്രൂരമായി മർദിക്കുകയായിരുന്നു.

Also Read- വീടുകുത്തിത്തുറന്ന് കവർച്ച; 23 പവൻ സ്വർണനാണയങ്ങളും അഞ്ച് പവന്റെ സ്വർണബിസ്ക്കറ്റും നഷ്ടമായി

സമീപവാസികൾ അറിയിച്ചത് അനുസരിച്ച് പൊലീസ് സ്ഥലത്തെത്തി. ക്രൂരമർദനമേറ്റ നിഷാദിനെ ജില്ലാ ആശുപത്രിയിലെത്തിച്ചപ്പോഴേക്കും മരിച്ചിരുന്നു. വീട്ടിൽ അതിക്രമിച്ചുകയറിയതിന് യുവാവിനെ മർദിച്ചുവെന്ന വിവരമാണ് തങ്ങൾക്ക് ലഭിച്ചതെന്ന് എസ് എസ് പി ദിനേശ് കുമാർ പി പറഞ്ഞു. യുവാവിന്റെ ബന്ധുക്കളുടെ പരാതിയിൽ, പോസ്റ്റ്മോർട്ടം റിപ്പോർട്ട് കിട്ടിയശേഷം എഫ്ഐആർ രജിസ്റ്റർ ചെയ്യുമെന്നും അദ്ദേഹം പറഞ്ഞു.

Also Read- പന്ത്രണ്ട് വയസുള്ള മകനൊപ്പം അമ്മയുടെ 'അശ്ലീല നൃത്തം'; വനിതാ കമ്മീഷൻ ഇടപെട്ടതോടെ എഫ്ഐആർ രജിസ്റ്റര്‍ ചെയ്ത് പൊലീസ്

ഗായിഘട്ടിൽ ആരിൽ നിന്നോ പണം വാങ്ങാനുണ്ടെന്ന് പറഞ്ഞാണ് നിഷാദ് വ് വീട്ടില്‍ നിന്ന് പോയതെന്ന് മാതാവ് പറയുന്നു. പിന്നീട് വിളിച്ച് രാത്രി തിരികെ എത്തില്ലെന്ന് അറിയിച്ചു. പിറ്റേന്ന് രാവിലെയാണ് മകനെ ഒരു സംഘം മർദിച്ച് കൊന്നതായി വിവരം ലഭിച്ചതെന്നും അമ്മ പറയുന്നു. വസ്തു തർക്കവുമായി ബന്ധപ്പെട്ടാണ് സഹോദരനെ ചിലർ കൊലപ്പെടുത്തിയതെന്ന് നിഷാദിന്റെ സഹോദരി ഗുഡിയ പറയുന്നു. നിഷാദിനെ മർദിച്ച അഞ്ചുപേരുടെ പേരുവിവരങ്ങൾ അടക്കമാണ് കുടുംബം പരാതി നൽകിയിരിക്കുന്നത്.

Also Read- സ്കൂൾ വിദ്യാർഥിനിയെ പീഡിപ്പിച്ച സൈനികനെ കശ്മീരിൽനിന്ന് കേരള പൊലീസ് പിടികൂടി