Saif Ali Khan: നടൻ സെയ്ഫ് അലി ഖാൻ കുത്തേറ്റ് ആശുപത്രിയിൽ; മോഷ്ടാക്കൾ വീട്ടിൽ കയറി ആക്രമിച്ചു എന്ന് റിപ്പോർട്ട്

മുംബൈ: ബോളിവുഡ് നടൻ സെയ്ഫ് അലി ഖാൻ കുത്തേറ്റ് ആശുപത്രിയിൽ. മുംബൈയിലെ വീട്ടിൽ നടന്ന മോഷണശ്രമത്തിനിടെയാണ് നടന് കുത്തേറ്റത്.ആറ് മുറിവുകളില്‍ രണ്ടെണ്ണം ഗുരുതരമാണ്.താരത്തെ മുംബൈ ലീലാവതി ആശുപത്രിയില്‍ ശസ്ത്രക്രിയക്ക് വിധേയനാക്കി. ഇന്ന് പുലർച്ചെ രണ്ടരയോടെയാണ് മോഷ്ടാക്കൾ സെയ്ഫ് അലിഖാന്റെ വീട്ടിൽ അതിക്രമിച്ച് കയറിയത്. വീട്ടിൽ അതിക്രമിച്ചുകയറിയ മോഷ്ടാവ് ഓടി രക്ഷപ്പെട്ടെന്ന് പുറത്തുവരുന്ന റിപ്പോർട്ടുകൾ സൂചിപ്പിക്കുന്നു. പ്രതിയ്ക്കായുള്ള തിരച്ചിൽ പോലീസ് ഊർജിതമാക്കി.സംഭവം നടക്കുമ്പോൾ കരീന സഹോദരി കരിഷ്മ കപൂറിനൊപ്പമായിരുന്നു. നടന്റെയൊപ്പം മക്കൾ മാത്രമാണ് ഉണ്ടായിരുന്നത്.