ബസിൽ ഫുട്ബോർഡിൽ നിന്ന് യാത്ര ചെയ്ത വിദ്യാർത്ഥികളെ മർദിച്ച നടി രഞ്ജന അറസ്റ്റിൽ

മാങ്കാട്ട് പൊലീസാണ് രഞ്ജനയെ അവരുടെ വീട്ടിലെത്തി അറസ്റ്റ് ചെയ്തത്. കുട്ടികളെ ഉപദ്രവിച്ചതിനും ബസ് ജീവനക്കാരോട് മോശമായി പെരുമാറിയതിനും നടിക്കെതിരെ കേസെടുത്തു. ചെന്നൈ കെറുമ്പാക്കത്ത് കഴിഞ്ഞദിവസമാണ് സംഭവമുണ്ടായത്. കുൺട്രത്തൂർ നിന്ന് പോരൂരിലേക്ക് പോകുകയായിരുന്ന ബസ് തടഞ്ഞുനിര്‍ത്തിയാണ് വിദ്യാർത്ഥികളെ മർദിച്ചത്. വിദ്യാർത്ഥികൾ ഈ രീതിയിൽ യാത്രചെയ്യുന്നത് നിങ്ങൾക്ക് തടയാമായിരുന്നില്ലേ എന്ന് രഞ്ജന ഡ്രൈവറോട് കയർക്കുന്നതും വിഡിയോയിൽ കാണാം.