Atlas Ramachandran | കള്ളപ്പണം വെളുപ്പിക്കൽ: അറ്റ്ലസ് രാമചന്ദ്രന്‍റെ 57.45 കോടി രൂപയുടെ ആസ്തി ഇഡി കണ്ടുകെട്ടി
- Published by:Anuraj GR
- news18-malayalam
Last Updated:
ബിസിനസ് ആവശ്യത്തിനായി വ്യാജരേഖ ചമച്ച് 242.40 കോടി രൂപയുടെ വായ്പ അറ്റ്ലസ് രാമചന്ദ്രൻ ബാങ്കിൽ നിന്ന് തട്ടിയെടുത്തിരുന്നു..
ന്യൂഡൽഹി: അറ്റ്ലസ് ജൂവലറി ഉടമ എം എം രാമചന്ദ്രൻ (Atlas Ramachandran) ഭാര്യ ഇന്ദിര എന്നിവരുടേത് ഉൾപ്പടെ 57.45 കോടി രൂപയുടെ ആസ്തി ഇഡി (Enforcement Directorate) കണ്ടുകെട്ടി. കള്ളപ്പണം വെളുപ്പിക്കൽ കേസുമായി ബന്ധപ്പെട്ടാണ് നടപടി. അറ്റ്ലസ് ജൂവലറിയുടെ മുംബൈ, ബംഗളുരു എന്നിവിടങ്ങളിലെ ശാഖകളിലും ബാങ്ക് ലോക്കറുകളിലുമായി സൂക്ഷിച്ചിരുന്ന സ്വർണം, വെള്ളി, വജ്രാഭരണങ്ങളും പണവും കെട്ടിടവും ഉൾപ്പെടുന്ന ആസ്തിയാണ് ഇ.ഡി കണ്ടുകെട്ടിയത്.
കോടികളുടെ വായ്പ തിരിച്ചടയ്ക്കാത്തതിൽ സൗത്ത് ഇന്ത്യൻ ബാങ്കിന്‍റെ തൃശൂർ റൗണ്ട് ശാഖ പൊലീസിൽ പരാതി നൽകിയിരുന്നു. ഇതിൽ പൊലീസ് രജിസ്റ്റർ ചെയ്ത കേസിന്‍റെ അടിസ്ഥാനത്തിലാണ് ഇ.ഡി അന്വേഷണം ആരംഭിച്ചത്. പ്രാഥമിക അന്വേഷണത്തിൽ കണക്കിൽപ്പെടാത്ത ആസ്തി അറ്റ്ലസ് രാമചന്ദ്രൻ, ഭാര്യ എന്നിവരുൾപ്പടെയുള്ളവരുടെ പേരിൽ ഉണ്ടെന്ന് കണ്ടെത്തി. ഇതേത്തുടർന്ന് ആസ്തി കണ്ടുകെട്ടൽ നടപടിയുമായി എൻഫോഴ്സ്മെന്‍റ് ഡയറക്ടറേറ്റ് രംഗത്തെത്തിയത്.
advertisement
2013-18 കാലയളവിലാണ് അറ്റ്ലസ് രാമചന്ദ്രൻ ബാങ്കിനെ കബളിപ്പിച്ചതെന്ന് ഇഡി അന്വേഷണത്തിൽ വ്യക്തമായി. ബിസിനസ് ആവശ്യത്തിനായി വ്യാജരേഖ ചമച്ച് 242.40 കോടി രൂപയുടെ വായ്പയാണ് അറ്റ്ലസ് രാമചന്ദ്രൻ ബാങ്കിൽ നിന്ന് എടുത്തത്. തിരിച്ചടവ് മുടങ്ങിയതോടെയാണ് ബാങ്ക് പരാതിയുമായി പൊലീസിനെ സമീപിച്ചത്.
Summary- The Enforcement Directorate has seized assets worth Rs 57.45 crore, including Atlas Jewelery owner MM Ramachandran and his wife Indira. The action is related to a money laundering case. The ED confiscated assets including gold, silver, diamond jewelery, cash and buildings kept at Atlas Jewelery's Mumbai and Bengaluru branches and bank lockers.
Location :
First Published :
April 10, 2022 11:00 AM IST
മലയാളം വാർത്തകൾ/ വാർത്ത/Crime/
Atlas Ramachandran | കള്ളപ്പണം വെളുപ്പിക്കൽ: അറ്റ്ലസ് രാമചന്ദ്രന്‍റെ 57.45 കോടി രൂപയുടെ ആസ്തി ഇഡി കണ്ടുകെട്ടി
