'ഇയാളെ കൊണ്ട് മടുത്തു; സര്വനാശത്തിനായി ബോംബ് വയ്ക്കും'; തൃക്കാക്കരയിലെ നവകേരള സദസിന് ബോംബ് ഭീഷണി
- Published by:Sarika KP
- news18-malayalam
Last Updated:
തൃക്കാക്കരയിലെ നവകേരള സദസിന്റെ വേദിയില് കുഴി ബോംബ് വയ്ക്കുമെന്നാണ് കത്തില് പറയുന്നത്.
കൊച്ചി: തൃക്കാക്കരയില് നടക്കാനിരിക്കുന്ന നവകേരള സദസിൽ ബോംബ് വയ്ക്കുമെന്ന് ഭീഷണി. തപാല് മാര്ഗം എഡിഎമ്മിനാണ് ഭീഷണിക്കത്ത് ലഭിച്ചത്. എറണാകുളം എഡിഎമ്മിന്റെ ഓഫീസിലാണ് കത്ത് കിട്ടിയത്. സംഭവത്തിൽ തൃക്കാക്കര പൊലീസ് കേസ് എടുത്ത് അന്വേഷണം ആരംഭിച്ചു.
അജ്ഞാതാനാണ് ഭീഷണിക്കത്ത് അയിച്ചിരിക്കുന്നത്. തൃക്കാക്കരയിലെ നവകേരള സദസിന്റെ വേദിയില് കുഴി ബോംബ് വയ്ക്കുമെന്നാണ് കത്തില് പറയുന്നത്. 'ഇയാളെ കൊണ്ട് മടുത്തു. ഞങ്ങളും കമ്യൂണിസ്റ്റുകാര് തന്നെയാണ്. സര്വനാശത്തിനായി ബോംബ് വയ്ക്കും'- കത്തില് പറയുന്നു.
കത്ത് എഡിഎം തൃക്കാക്കര പൊലീസിന് കൈമാറി. തിങ്കളാഴ്ചയാണ് തൃക്കാക്കര മണ്ഡലത്തിലെ നവകേരള സദസ് നടക്കുന്നത്. കാനം രാജേന്ദ്രന്റെ മരണത്തെത്തുടര്ന്നാണ് നേരത്തെ നവകേരള സദസ് മാറ്റിവെച്ചത്.
Location :
Kochi,Ernakulam,Kerala
First Published :
Dec 30, 2023 3:43 PM IST
മലയാളം വാർത്തകൾ/ വാർത്ത/Crime/
'ഇയാളെ കൊണ്ട് മടുത്തു; സര്വനാശത്തിനായി ബോംബ് വയ്ക്കും'; തൃക്കാക്കരയിലെ നവകേരള സദസിന് ബോംബ് ഭീഷണി
