വീട്ടമ്മയെ പെട്രോളൊഴിച്ച് കത്തിക്കാൻ ശ്രമിച്ച പഞ്ചായത്ത് അംഗത്തെ സിപിഐ സസ്പെന്‍ഡ് ചെയ്തു

പഞ്ചായത്തംഗം എന്നതിന് പുറമെ അജീഷ് മുതുകുന്നേൽ സിപിഐ ഉടുമ്പൻചോല മണ്ഡലം കമ്മിറ്റി അംഗവും എഐവൈഎഫ് ജില്ലാ വൈസ് പ്രസിഡന്റുമാണ്. സംഭവത്തെ തുടർന്ന് അജീഷ് മുതുകുന്നേലിനെ സിപിഐ മണ്ഡലം കമ്മിറ്റിയിൽ നിന്ന് സസ്‌പെൻഡ് ചെയ്തതായി സിപിഐ ഉടുമ്പൻചോല മണ്ഡലം കമ്മിറ്റി സെക്രട്ടറി വി.കെ.ധനപാലാണ് അറിയിച്ചത്.

തൂക്കുപാലത്തിന് സമീപം പ്രകാശ്ഗ്രാം മീനുനിവാസിൽ ശശിധരൻ പിള്ളയുടെ ഭാര്യ തങ്കമണിയമ്മയാണ് (68) അതിക്രമത്തിനിരയായത്. കഴിഞ്ഞ ദിവസം പ്രദേശത്തുള്ള രണ്ട് പേർ തമ്മിലുണ്ടായ വാട്സാപ്പ് ചാറ്റിൽ നിന്നും തുടങ്ങിയ പ്രശ്നമാണ് വീട്ടമ്മക്ക് എതിരായ കൊലപാതക ശ്രമത്തിൽ കലാശിച്ചത്. തങ്കമണിയമ്മയുടെ ഭർത്താവായ ശശിധരൻ പിള്ള നടത്തുന്ന കടയ്ക്ക് മുന്നിൽ യുവാക്കൾ തമ്മിൽ വീണ്ടും തർക്കമുണ്ടായി. സംഭവം രൂക്ഷമായപ്പോൾ, കടയുടമയായ ശശിധരൻ പിള്ള കടയുടെ മുന്നിൽ വെച്ച് തർക്കം പാടില്ലെന്ന് പറഞ്ഞു. തർക്കത്തിൽ ഉൾപ്പെട്ട യുവാവ് ശശിധരൻ പിള്ളയെ ഭീഷണിപ്പെടുത്തി. ഇത് സംബന്ധിച്ച് കടയുടമ പോലീസിൽ പരാതി നൽകുകയും തുടർന്ന് ഇരുകൂട്ടരെയും വിളിച്ചുവരുത്തി പോലീസ് പ്രശ്‌നം ഒത്തുതീർപ്പാക്കുകയും ചെയ്തിരുന്നു.

ആക്രമണത്തിൽ കേസെടുത്ത പോലീസ് ആക്രമികളെ അറസ്റ്റ് ചെയ്ത് സ്റ്റേഷനിൽ എത്തിച്ചപ്പോൾ പഞ്ചായത്തംഗം പോലീസിനെയും ഭീഷണിപ്പെടുത്തി. ഭീഷണിപ്പെടുത്തലും ഒപ്പം പോലീസിന്റെ കൃത്യനിർവഹണത്തിന് തടസ്സം സൃഷ്ടിക്കുകയും ചെയ്തതിന്റെ പേരിൽ ഇവരുടെ പേരിൽ മറ്റൊരു കേസും കൂടി എടുത്തിട്ടുണ്ട്.

Summary

CPI suspends Panchayat member on grounds of attempt to murder a lady