50 ലക്ഷം രൂപ വിലമതിക്കുന്ന സ്വർണവും വെള്ളിയും ബാങ്ക് ലോക്കറിൽ നിന്ന് നഷ്ടപ്പെട്ടു

കർവ ചൗത്ത് ആഘോഷങ്ങൾക്കു പിന്നാലെ ഒക്ടോബർ 21 ന് ബാങ്കിൽ നിന്ന് ഇവർക്ക് വിളിവന്നു. ഉടൻ തന്നെ ബ്രാഞ്ചിൽ എത്തണമെന്നാണ് ഇവരോട് ആവശ്യപ്പെട്ടത്. തുടർന്ന് ഭർത്താവിനും ഭർതൃ പിതാവിനുമൊപ്പം ബാങ്കിൽ എത്തിയപ്പോഴാണ് അവരുടെ ലോക്കർ കുത്തിത്തുറന്ന് ആഭരണങ്ങളെല്ലാം നഷ്ടപ്പെട്ട വിവരം അറിഞ്ഞത്. പരാതിയുമായി കുടുംബം ബാങ്കിനെ സമീപിച്ചിട്ടും കൂടുതൽ വിവരങ്ങൾ നൽകാൻ ബാങ്ക് ജീവനക്കാർ തയ്യാറായില്ലെന്നും ആരോപണമുണ്ട്.

"പോലീസ് അന്വേഷണം എത്രയും വേഗം പൂർത്തിയാക്കണമെന്ന് ഞങ്ങൾ ആഗ്രഹിക്കുന്നു. 25 വർഷമായി ഞങ്ങൾക്ക് ഈ ബാങ്കിൽ അക്കൗണ്ട് ഉണ്ട്. ഞങ്ങളുടെ സ്വർണം ഈ ബാങ്ക് ലോക്കറിൽ നിന്ന് നഷ്ടപ്പെടുമെന്ന് ഞങ്ങൾ ഒരിക്കലും കരുതിയിരുന്നില്ല" യുവതിയുടെ ഭർത്താവ് അങ്കുഷ് ഗോയൽ പറഞ്ഞു .

എന്തായാലും ഈ സംഭവം ബാങ്കിന്റെ സുരക്ഷാ സംവിധാനത്തെ കുറിച്ചുള്ള ആളുകളുടെ ആശങ്കകൾക്കും കാരണമായിട്ടുണ്ട്. സംഭവത്തിൽ സിസിടിവി ദൃശ്യങ്ങൾ കേന്ദ്രീകരിച്ച് അന്വേഷണം പുരോഗമിക്കുകയാണെന്ന് പോലീസ് അറിയിച്ചു.