ആരാണ് പൂച്ചക്കുഞ്ഞിനെ ജീവനോടെ കത്തിച്ച ക്രൂരൻ? വിവരം നൽകുന്നവർക്ക് 50000 രൂപ വാഗ്ദാനം

എത്ര കഠിനഹൃദയം ഉള്ള ആളുകളെ പോലും ഒരു നിമിഷം വേദനയിലാക്കുന്ന തരത്തിലുള്ള ക്രൂരതയാണ് അരങ്ങേറിയത്. ക്ഷീണിച്ച് അവശനായ ഒരു പൂച്ചക്കുഞ്ഞിന് അരികിലെത്തി ലൈറ്റർ ഉപയോഗിച്ച് തീ പടര്‍ത്തുന്നു. സെക്കൻഡുകൾക്കുള്ളിൽ പൂച്ച തീഗോളമായി മാറുകയാണ്. തീപടരാനായി അതിന്‍റെ ദേഹത്ത് നേരത്തെ തന്നെ എന്തോ ഒഴിച്ചിരുന്നു എന്നാണ് സൂചന. പ്രാണവേദനയിൽ പായുന്ന ആ മിണ്ടാപ്രാണിയുടെ കരച്ചിലും വീഡിയോയിൽ കേൾക്കാം.. പച്ചയ്ക്ക് കത്തുന്ന വേദനയിൽ ഓടുന്ന ജീവിയുടെ പുറകെ പോയി ദൃശ്യങ്ങൾ പകർത്തുന്നുമുണ്ട്. അൽപസമയത്തിനുള്ളിൽ തന്നെ പൂച്ച എരിഞ്ഞടങ്ങി.