കിളിമാനൂരിൽ വീട്ടമ്മയുടെ ആത്മഹത്യ; പ്രണയം നടിച്ച് ലൈംഗികമായി പീഡിപ്പിച്ചശേഷം; യുവാവ് അറസ്റ്റിൽ

ഭർത്താവ് വിദേശത്തുള്ള വീട്ടമ്മയുമായി അടുപ്പം സ്ഥാപിച്ച യുവാവ്, ഇവരുമായി ലൈംഗികബന്ധം പുലർത്തുകയും സ്വർണവും പണവും തട്ടിയെടുക്കുകയും ചെയ്തതായി പൊലീസ്

News18 Malayalam | news18-malayalam
Updated: June 11, 2020, 9:40 AM IST
കിളിമാനൂരിൽ വീട്ടമ്മയുടെ ആത്മഹത്യ; പ്രണയം നടിച്ച് ലൈംഗികമായി പീഡിപ്പിച്ചശേഷം; യുവാവ് അറസ്റ്റിൽ
arun nair
  • Share this:
തിരുവനന്തപുരം: കിളിമാനൂര്‍ കാട്ടുംപുറം മൂര്‍ത്തിക്കാവ് സ്വദേശിയായ വീട്ടമ്മ ആത്മഹത്യ ചെയ്ത സംഭവത്തിൽ കുമ്മിൾ സ്വദേശി അറസ്റ്റിലായി. കുമ്മിള്‍ ഈട്ടിമൂട് അശ്വതി ഭവനില്‍ അരുണ്‍ എസ്. നായര്‍ (കണ്ണന്‍, 27) ആണ് പിടിയിലായത്. രണ്ടു മക്കളുടെ അമ്മയായ വീട്ടമ്മ കഴിഞ്ഞ ആഴ്ചയാണ് ആത്മഹത്യ ചെയ്തത്. ഇവരും അരുൺ എസ് നായരും വർഷങ്ങളായി അടുപ്പത്തിലായിരുന്നുവെന്നും ഇവർ തമ്മിൽ ശാരീരികബന്ധമുണ്ടായിരുന്നതായും പൊലീസ് കണ്ടെത്തി. യുവതിയുടെ ആത്മഹത്യ കുറിപ്പിൽനിന്നാണ് ഇവർ തമ്മിലുള്ള ബന്ധവും സാമ്പത്തിക ഇടപാടുകളും പൊലീസ് മനസിലാക്കിയത്. ഇതിന്‍റെ അടിസ്ഥാനത്തിൽ നടത്തിയ അന്വേഷണത്തിലാണ് അരുൺ എസ് നായരെ പൊലീസ് അറസ്റ്റു ചെയ്തത്.

ഭർത്താവ് വിദേശത്തുള്ള വീട്ടമ്മയുമായി അടുപ്പം സ്ഥാപിച്ച യുവാവ്, ഇവരുമായി ലൈംഗികബന്ധം പുലർത്തുകയും സ്വർണവും പണവും തട്ടിയെടുക്കുകയും ചെയ്തതായി പൊലീസ് കണ്ടെത്തി. ഒരുവര്‍ഷം മുമ്പ് യുവതിയും പ്രതിയും പ്രദേശവാസികളും ചേര്‍ന്ന് തമിഴ്നാട്ടിലേക്ക് വിനോദ യാത്ര സംഘടിപ്പിച്ചിരുന്നു. ഇതിനിടെ കന്യാകുമാരിയിലെ ഹോട്ടൽ മുറിയിൽവെച്ച്‌ യുവതിയെ പ്രതി പീഡിപ്പിച്ചു. മറ്റൊരു പെൺകുട്ടിയുമായി അരുൺ എസ് നായർ വിവാഹനിശ്ചയം നടത്തിയതിന്‍റെ രണ്ടാം ദിവസമാണ് യുവതി ആത്മഹത്യ ചെയ്തത്.

ഫാമുകളില്‍ നിന്ന് പാല്‍ ശേഖരിച്ച്‌ ആട്ടോറിക്ഷയില്‍ വീടുകളില്‍ വിതരണം ചെയ്തുവരികയായിരുന്നു യുവാവ്. അതിനിടെയാണ് വീട്ടമ്മയുമായി അടുപ്പത്തിലായത്. വീട്ടമ്മ താമസിക്കുന്ന പരിസരങ്ങളിലുള്ളവരുമായി നല്ല ബന്ധം യുവാവ് സ്ഥാപിച്ചിരുന്നു. ഇതു മുതലെടുത്താണ് യുവാവ് വീട്ടമ്മയ്ക്കും പ്രദേശവാസികൾക്കുമൊപ്പം തമിഴ്നാട്ടിലേക്ക് വിനോദയാത്ര പോയത്. മരണശേഷവും യുവാവ് യുവതിയുടെ വീട്ടിൽ എത്തുകയും മരണാനന്തരചടങ്ങുകളിൽ പങ്കെടുക്കുകയും ചെയ്തിരുന്നു. എന്നാൽ അന്വേഷണം തന്നെ കേന്ദ്രീകരിക്കുന്നത് മനസിലാക്കിയതോടെ എറണാകുളത്തു ഒളിവിൽ പോയിരുന്നു.
TRENDING:COVID 19 | സംസ്ഥാനത്ത് ഒരാൾ കൂടി മരിച്ചു; മരണം ആശുപത്രിയിലേക്ക് മാറ്റുന്നതിനിടെ [NEWS]2300 കിലോ വജ്രവും മുത്തുകളും; നീരവ് മോദിയുടെയും മെഹുല്‍ ചോക്‌സിയുടെയും 1350 കോടിയുടെ അമൂല്യവസ്തുക്കള്‍ ഇന്ത്യയിൽ [NEWS]Athirappilly: കെഎസ്ഇബിക്ക് നൽകിയത് അനുമതി പുതുക്കാനുള്ള എൻഒസി; ചർച്ചകൾ ദുരുദ്ദേശത്തോടെയെന്ന് മന്ത്രി എം എം മണി [NEWS]
മൊബൈൽ ടവർ കേന്ദ്രീകരിച്ചുനടത്തിയ അന്വേഷണത്തിലാണ് പ്രതി അറസ്റ്റിലായത്. ആറ്റിങ്ങല്‍ ഡി.വൈ.എസ്.പി എസ്.വൈ. സുരേഷിന്റെ നിര്‍ദ്ദേശാനുസരണം കിളിമാനൂര്‍ എസ്.എച്ച്‌.ഒ കെ.ബി. മനോജ്കുമാര്‍ എസ്.ഐ പ്രൈജു സുരേഷ്കുമാര്‍, റാഫി, സി.പി.ഒ പ്രദീപ്, സന്തോഷ്കുമാര്‍ എന്നിവരടങ്ങിയ സംഘമാണ് പ്രതിയെ അറസ്റ്റ് ചെയ്തത്.
First published: June 11, 2020, 8:16 AM IST
കൂടുതൽ കാണുക
അടുത്തത് വാര്‍ത്തകള്‍

Top Stories

corona virus btn
corona virus btn
Loading