എറണാകുളത്ത് പലചരക്ക് കടയുടെ മറവിൽ ലഹരിക്കച്ചവടം നടത്തിയ വീട്ടമ്മ പിടിയിൽ
- Published by:Nandu Krishnan
- news18-malayalam
Last Updated:
എക്സൈസും നർക്കോട്ടിക്സ് കൺട്രോൾ ബ്യുറോയും പൊലീസും നടത്തിയ സംയുക്തമായ പരിശോധനയിലാണ് വീട്ടമ്മ പിടിയിലാകുന്നത്
എറണാകുളത്ത് പലചരക്ക് കടയുടെ മറവിൽ ലഹരക്കച്ചവടം നടത്തിയ വീട്ടമ്മ പിടിയിൽ. പെരുമ്പാവൂർ സ്വദേശിയായ സെലീനയാണ് അറസ്റ്റിലായത്. എകദേശം 60 ഗ്രാം ഹെറോയിനാണ് ഇവരിൽ നിന്ന് പിടികൂടിയത്.വിപണിയിൽ ഇതിന് 10 ലക്ഷം രൂപയിലധികം വിലവരും. കൂടാതെ 9 ലക്ഷത്തിലേറെ രൂപയും നോട്ടെണ്ണുന്ന മെഷീനും പൊലീസ് ഇവരിൽ നിന്നും പിടികൂടി.
പലചരക്ക് കച്ചവടം നടത്തുന്നതിനിടെയാണ് ലഹരിമരുന്നിന്റെ ഇടപാട് നടത്തിയിരുന്നത്. ഇവർക്ക് മറ്റൊരു പൊലീസുകാരന്റെ സഹായം ഉണ്ടെന്നാണ് പ്രദേശവാസികൾ പറയുന്നത്. ഏറ്റവും കൂടുതൽ അതിഥി തൊഴിലാളികൾ തിങ്ങി പാർക്കുന്ന ഇടമാണ് പെരുമ്പാവൂർ. ഇവിടെ കുട്ടികളെയു മറ്റും ഉപയോഗിച്ചാണ് ഇവർ വിൽപ്പന നടത്തിയിരുന്നത്.
പൊലീസിന്റെ ഇൻഫോർമർ എന്നാണ് അതിഥി തൊഴിലാളികളെ ഇവർ പറഞ്ഞ് വിശ്വസിപ്പിച്ചിരുന്നത്. എക്സൈസും നർക്കോട്ടിക്സ് കൺട്രോൾ ബ്യുറോയും പൊലീസും നടത്തിയ സംയുക്തമായ പരിശോധനയിലാണ് വീട്ടമ്മ പിടിയിലാകുന്നത്. ഹെറോയിൽ പൊതിഞ്ഞുകൊണ്ടിരിക്കുന്ന സമയത്താണ് പൊലീസെത്തി ഇവരെ പിടികൂടുന്നത്.
Location :
Ernakulam,Kerala
First Published :
September 29, 2025 9:46 AM IST
മലയാളം വാർത്തകൾ/ വാർത്ത/Crime/
എറണാകുളത്ത് പലചരക്ക് കടയുടെ മറവിൽ ലഹരിക്കച്ചവടം നടത്തിയ വീട്ടമ്മ പിടിയിൽ
