കൊല്ലത്ത് യുവതിയെ കാർ കയറ്റിക്കൊന്ന കേസ്; അജ്മൽ രണ്ടുമാസത്തിനിടെ 8 ലക്ഷം രൂപയോളം കൈപ്പറ്റിയെന്ന് ഡോ.ശ്രീക്കുട്ടി

കൊല്ലം മൈനാഗപ്പള്ളി ആനൂർകാവിൽ കാറിടിച്ച് സ്കൂട്ടർ യാത്രക്കാരി മരിക്കാനിടയായ സംഭവത്തിലെ പ്രതി അജ്മൽ രണ്ടുമാസത്തിനിടെ 8 ലക്ഷം രൂപയോളം തന്റെ കയ്യിൽ നിന്നും കൈപ്പറ്റിയെന്ന് ഡോക്ടർ ശ്രീക്കുട്ടി. ഡോക്ടർ ശ്രീക്കുട്ടി അജ്മലിനെ പരിചയപ്പെടുന്നത് രണ്ടുമാസം മുമ്പാണ്. ഇതിനിടെ അജ്മൽ ശ്രീക്കുട്ടിയിൽ നിന്ന് 8 ലക്ഷം രൂപ കൈപ്പറ്റിയിരുന്നു. പണവും സ്വർണവും അടക്കം 8 ലക്ഷം രൂപ തന്റെ പക്കൽ നിന്ന് അജ്മൽ വാങ്ങിയെന്ന് ശ്രീക്കുട്ടിയാണ് പൊലീസിന് മൊഴി നൽകിയത്. കൂടുതൽ പണമിടപാടുകൾ നടന്നിട്ടുണ്ടോ എന്നറിയാൻ ശ്രീക്കുട്ടിയുടെയും അജ്മലിന്റെയും ബാങ്ക് ഇടപാടുകൾ പൊലീസ് പരിശോധിച്ച് വരികയാണ്.