കുടുംബ തർക്കം; ഭർത്താവിനെ തലയ്ക്കടിച്ചു കൊലപ്പെടുത്തിയ ഭാര്യ ജനനേന്ദ്രിയം മുറിച്ചെടുത്തു

സംഭവം നടന്ന ദിവസം മൊഹ്സിനും മനീറയും തമ്മിൽ എന്തോ കാര്യത്തിൽ തർക്കം ഉയർന്നിരുന്നു. ഇതിനിടെ കുപിതയായ മനീറ മീൻ മുറിക്കാൻ ഉപയോഗിക്കുന്ന കത്തി ഉപയോഗിച്ച് ഭർത്താവിന്‍റെ തലയ്ക്ക് ആഞ്ഞടിച്ചു. ശക്തമായ അടിയിൽ അബോധാവസ്ഥയിലായ ഇയാളുടെ ജനനേന്ദ്രിയം മുറിച്ചു മാറ്റുകയും ചെയ്തവെന്നാണ് പൊലീസ് പറയുന്നത്. ഇവർക്ക് രണ്ട് ആൺമക്കളാണ്. തൊട്ടടുത്ത ദിവസം രാവിലെ ഉറക്കമെഴുന്നേറ്റെത്തിയ മക്കളോട് നടന്ന കാര്യങ്ങൾ മനീറ പറഞ്ഞു. മുറിയിൽ ചെന്ന് നോക്കിയപ്പോൾ ബ്ലാങ്കറ്റിൽ പൊതിഞ്ഞ് ചോരയിൽ കുളിച്ച നിലയിൽ പിതാവിന്‍റെ മൃതദേഹമാണ് കണ്ടതെന്നാണ് മക്കളിലൊരാൾ മൊഴി നല്‍കിയത്.