advertisement

ഭാര്യസഹോദരനെ കള്ളനാക്കാന്‍ വ്യാജ സ്വർണ്ണ മോഷണപരാതി; ഒടുവിൽ വിരലടയാളം കുടുക്കി

Last Updated:

മനോജും ഭാര്യാസഹോദരനും ഒരേ വീട്ടിലാണ് താമസം

News18
News18
വിഴിഞ്ഞം: സ്വന്തം വീട്ടിൽ കവർച്ച നടന്നുവെന്ന് വരുത്തിത്തീർത്ത് ഭാര്യാസഹോദരനെ കള്ളക്കേസിൽ കുടുക്കാൻ ശ്രമിച്ച യുവാവ് പോലീസ് പിടിയിലായി. വിഴിഞ്ഞം വെങ്ങാനൂർ സ്വദേശി മനോജിനെയാണ് പോലീസ് അറസ്റ്റ് ചെയ്തത്. കുടുംബതർക്കത്തെത്തുടർന്നുള്ള പ്രതികാരമാണ് ഇത്തരമൊരു നീക്കത്തിന് പിന്നിലെന്ന് പോലീസ് കണ്ടെത്തി.
തിങ്കളാഴ്ച വൈകിട്ട് വീട്ടിൽ ആരുമില്ലാത്ത സമയത്ത് ഏഴ് പവൻ സ്വർണ്ണവും 15,000 രൂപയും മോഷണം പോയെന്നായിരുന്നു മനോജിന്റെ പരാതി. ജനൽ കമ്പി മുറിച്ചാണ് മോഷ്ടാവ് അകത്തു കയറിയതെന്ന് ഇയാൾ പോലീസിനെ വിശ്വസിപ്പിക്കാൻ ശ്രമിച്ചു. എന്നാൽ വിഴിഞ്ഞം പോലീസ് നടത്തിയ ശാസ്ത്രീയമായ പരിശോധനയിൽ ജനൽ കമ്പികൾ മുറിച്ചിരിക്കുന്നത് വീടിന് അകത്തുനിന്നാണെന്ന് വ്യക്തമായി. ഇതോടെ മനോജിനെ വിശദമായി ചോദ്യം ചെയ്തപ്പോഴാണ് നാടകത്തിന്റെ ചുരുളഴിഞ്ഞത്. വിരലടയാളം പരിശോധിച്ചതോടെയാണ് മനോജ് പിടിയിലായത്.
മനോജും ഭാര്യാസഹോദരനും ഒരേ വീട്ടിലാണ് താമസം. ഇവർ തമ്മിൽ കുടുംബതർക്കം നിലനിന്നിരുന്നു. സ്വർണ്ണം താൻ തന്നെ പണയം വെച്ചതാണെന്നും, കവർച്ച നടന്നുവെന്ന് വരുത്തി ഭാര്യാസഹോദരനെ കേസിൽ കുടുക്കാനുമാണ് താൻ പദ്ധതിയിട്ടതെന്നും മനോജ് പോലീസിനോട് സമ്മതിച്ചു. ജനൽ കമ്പി മുറിക്കുന്നതിനിടെ മനോജിന്റെ കയ്യിലുണ്ടായ പരിക്ക് കേസ് തെളിയിക്കുന്നതിൽ നിർണ്ണായകമായി. കുറ്റം സമ്മതിച്ച പ്രതിയെ വിഴിഞ്ഞം പോലീസ് അറസ്റ്റ് ചെയ്തു.
മലയാളം വാർത്തകൾ/ വാർത്ത/Crime/
ഭാര്യസഹോദരനെ കള്ളനാക്കാന്‍ വ്യാജ സ്വർണ്ണ മോഷണപരാതി; ഒടുവിൽ വിരലടയാളം കുടുക്കി
Next Article
advertisement
Eid യുഎഇ, ഖത്തർ, കുവൈറ്റ്; പെരുന്നാളിന് ഈദ് ​ഗാഹുകൾ ഇല്ല; പ്രാർത്ഥന പള്ളികളിൽ മാത്രം
Eid യുഎഇ, ഖത്തർ, കുവൈറ്റ്; പെരുന്നാളിന് ഈദ് ​ഗാഹുകൾ ഇല്ല; പ്രാർത്ഥന പള്ളികളിൽ മാത്രം
  • യുഎഇ, ഖത്തർ, കുവൈറ്റ് രാജ്യങ്ങളിൽ ഈദ് പ്രാർത്ഥനകൾ ഇത്തവണ പള്ളികളിൽ മാത്രം നടക്കും

  • പൊതുജന സുരക്ഷയും ജനക്കൂട്ട നിയന്ത്രണവും മുൻനിർത്തിയാണ് ഈദ് ഗാഹുകൾ ഒഴിവാക്കാൻ തീരുമാനിച്ചത്

  • വിശ്വാസികൾ പെരുന്നാളിൽ സുരക്ഷാ നിർദേശങ്ങൾ കർശനമായി പാലിക്കണമെന്ന് അധികൃതർ ഓർമിപ്പിച്ചു

View All
advertisement