Eid യുഎഇ, ഖത്തർ, കുവൈറ്റ്; പെരുന്നാളിന് ഈദ് ഗാഹുകൾ ഇല്ല; പ്രാർത്ഥന പള്ളികളിൽ മാത്രം
- Published by:Sneha Reghu
- news18-malayalam
Last Updated:
റമദാൻ മാസത്തിന്റെ സമാപ്തി കുറിച്ച് നടത്തുന്ന ഈദ് പ്രാർത്ഥനകൾക്ക് യുഎഇയിൽ സാധാരണയായി വലിയ മൈതാനങ്ങളാണ് ഉപയോഗിക്കാറുള്ളത്
തിറ്റാണ്ടുകളായുള്ള പ്രാർത്ഥനാ രീതിയിൽ സുപ്രധാന മാറ്റം വരുത്തി യുഎഇ, ഖത്തർ, കുവൈറ്റ്. രാജ്യത്തുടനീളം അംഗീകൃത പള്ളികളിൽ മാത്രമായിരിക്കും ഇത്തവണ പെരുന്നാൾ നമസ്കാരം. മുൻവർഷങ്ങളിലെ പോലെ തുറസായ ഈദ് ഗാഹുകളോ പ്രത്യേക ഗ്രൗണ്ടുകളോ ഉണ്ടായിരിക്കില്ലെന്ന് ജനറൽ അതോറിറ്റി ഓഫ് ഇസ്ലാമിക് അഫയേഴ്സ് ആന്റ് എൻഡോവ്മെന്റ്സ് അറിയിച്ചു.
പശ്ചിമേഷ്യയിൽ സംഘർഷം അയവില്ലാതെ തുടരുന്നതിനിടെയാണ് ഈ അറിയിപ്പ്. സുരക്ഷ കണക്കിലെടുത്താണ് തീരുമാനം.
റമദാൻ മാസത്തിന്റെ സമാപ്തി കുറിച്ച് നടത്തുന്ന ഈദ് പ്രാർത്ഥനകൾക്ക് യുഎഇയിൽ സാധാരണയായി വലിയ മൈതാനങ്ങളാണ് ഉപയോഗിക്കാറുള്ളത്. എന്നാൽ, നിലവിലെ സാഹചര്യത്തിൽ പൊതുജന സുരക്ഷയും വലിയ ജനക്കൂട്ടത്തെ നിയന്ത്രിക്കുന്നതിലെ സൗകര്യവും മുൻനിർത്തിയാണ് പ്രാർത്ഥനകൾ പള്ളികളിലേക്ക് മാറ്റാൻ തീരുമാനിച്ചത്.
റമസാനിലെ പുണ്യകർമങ്ങൾ പൂർത്തിയാക്കി വിശ്വാസികൾ പെരുന്നാളിനെ വരവേൽക്കാനൊരുങ്ങുമ്പോൾ, സുരക്ഷാ നിർദേശങ്ങൾ കർശനമായി പാലിക്കണമെന്ന് അധികൃതർ ഓർമിപ്പിച്ചു.
Location :
Delhi
First Published :
Mar 19, 2026 7:47 AM IST
മലയാളം വാർത്തകൾ/ വാർത്ത/Gulf/
Eid യുഎഇ, ഖത്തർ, കുവൈറ്റ്; പെരുന്നാളിന് ഈദ് ഗാഹുകൾ ഇല്ല; പ്രാർത്ഥന പള്ളികളിൽ മാത്രം
