സ്വത്ത് തർക്കം: കുടുംബത്തിലെ ആറു പേരെ വെട്ടിക്കൊലപ്പെടുത്തിയ യുവാവ് പൊലീസിൽ കീഴടങ്ങി

സ്വത്തുമായി ബന്ധപ്പെട്ട് വീട്ടുകാരുമായി പ്രശ്നം ഉണ്ടായിരുന്നു. കഴിഞ്ഞ ദിവസവും ഇതേച്ചൊല്ലി തർക്കം ഉയർന്നപ്പോൾ അപ്പോഴുണ്ടായ ദേഷ്യത്തിൽ വീട്ടുകാരെ കൊല്ലുകയായിരുന്നുവെന്നാണ് ഇയാൾ പൊലീസിന് നൽകിയ മൊഴി. മൂർച്ചയേറിയ ആയുധം ഉപയോഗിച്ച് ആറ് പേരെയും വെട്ടിക്കൊലപ്പെടുത്തുകയായിരുന്നു.

അച്ഛൻ അമർ (60), അമ്മ രാംസഖി (55), മൂത്ത സഹോദരൻ അരുൺ (40), ഭാര്യ രാംദുലാരി (35) ഇവരുടെ മക്കളായ സൗരഭ് (7), സരിക (2) എന്നിവരെയാണ് അജയ് കൊലപ്പെടുത്തിയത്. കൃത്യം നടത്തിയ ശേഷം സമീപത്തെ പൊലീസ് സ്റ്റേഷനിലെത്തി ഇയാൾ കീഴടങ്ങുകയായിരുന്നു.