തമിഴ്നാട്ടിൽ നിന്നും ഓട്ടോറിക്ഷയിൽ കൊല്ലത്ത്; 62കാരി ഇരുസംസ്ഥാനങ്ങളുടെയും അതിർത്തി കടന്നത് ഒരു രേഖയുമില്ലാതെ

തമിഴ്നാട് - കേരള അതിർത്തിയിൽ ഇരു സംസ്ഥാനത്തെയും പോലീസിൻറെ പഴുതടച്ച സുരക്ഷയാണ്. ആകെ കടത്തിവിടുന്നത് ഭക്ഷ്യവസ്തുക്കൾ കയറ്റിയ വാഹനങ്ങളും മെഡിക്കൽ സർവീസുകളും അത്യാവശ്യം ഔദ്യോഗിക വാഹനങ്ങളും മാത്രം. എന്നാൽ മാർത്താണ്ഡത്തു നിന്ന് ഒരു യാത്രക്കാരിയുമായി പുറപ്പെട്ട ഓട്ടോറിക്ഷ ഒരു തടസ്സവുമില്ലാതെ അതിർത്തി കടന്ന് തിരുവനന്തപുരം ജില്ല പ്രവേശിച്ചു.

വിവരമറിഞ്ഞ് സ്ഥലത്തെത്തിയ പോലീസ് വയോധികയെ ഗൃഹ നിരീക്ഷണത്തിലേക്ക് മാറ്റി. 4500 രൂപ കൂലി വാങ്ങി ഡ്രൈവർ അപ്പോഴേക്കും പോയിരുന്നു. വെള്ളറട സ്വദേശിയാണ് ഡ്രൈവറെന്ന് തിരിച്ചറിഞ്ഞു. വെള്ളറടയെത്തുമ്പോൾ ഡ്രൈവറെ ക്വറന്റീൻ ചെയ്യാമെന്ന പ്രതീക്ഷയിലാണ് പോലീസ്.