മൂന്ന് വയസ്സുള്ള കുഞ്ഞിനെ ഉപേക്ഷിച്ച് കാമുകനൊപ്പം പോയി; ഗർഭിണിയായ യുവതിയെ കാമുകൻ കഴുത്തു ഞെരിച്ചു കൊന്നു

നവംബർ 14നാണ് രശ്മി കുഞ്ഞിനെ മാതാപിതാക്കളുടെ വീട്ടിൽ ഉപേക്ഷിച്ച് കാമുകനൊപ്പം പോയത്. കഴിഞ്ഞ അഞ്ച് വർഷമായി ചിരാഗ് പട്ടേൽ എന്നയാളുമായി രശ്മിക്ക് അടുപ്പമുണ്ടായിരുന്നുവെന്ന് മാതാപിതാക്കൾ പറയുന്നു. ഇയാൾക്കൊപ്പമായിരുന്നു രശ്മി താമസിച്ചിരുന്നത്.

യുവതിയെ കാണാനില്ലെന്ന പരാതിയെ തുടർന്ന് പൊലീസ് ചിരാഗിനെ ചോദ്യം ചെയ്തപ്പോഴാണ് കൊലപാതക വിവരം പുറത്തറിയുന്നത്. രശ്മിയെ കഴുത്തു ഞെരിച്ച് കൊലപ്പെടുത്തി മൃതദേഹം പിതാവിന്റെ ഫാമിൽ കുഴിച്ചിടുകയായിരുന്നു. രശ്മിയും ചിരാഗും താമസിക്കുന്ന വീട്ടിൽ നിന്നും 22 കിലോമീറ്റർ അകലെയാണ് ഫാം. അഞ്ച് മാസം ഗർഭിണിയായിരുന്നു യുവതി.