തിരുവനന്തപുരത്ത് കഞ്ചാവ് വാങ്ങാൻ പണം നൽകാത്തതിന്റെ ദേഷ്യത്തിൽ വീടിന് തീയിട്ട് യുവാവ്

കഴിഞ്ഞ ദിവസം രാത്രി ഏഴ് മണിയോടെയാണ് ഫൈസൽ ഷാജഹാന്റെ വീട്ടിലെത്തിയത്. കഞ്ചാവ് വാങ്ങാൻ പണം വേണമെന്ന് ഇയാൾ ആവശ്യപ്പെട്ടെങ്കിലും വീട്ടുകാർ അത് നിരസിച്ചു. ഇതോടെ അക്രമാസക്തനായ ഫൈസൽ കൈവശമുണ്ടായിരുന്ന കത്തി ഉപയോഗിച്ച് സ്വന്തം കൈഞരമ്പ് മുറിക്കാൻ ശ്രമിക്കുകയും വീട് കത്തിക്കുമെന്ന് ഭീഷണിപ്പെടുത്തുകയും ചെയ്തു.

യുവാവിന്റെ ഭീഷണിയെത്തുടർന്ന് ഭയന്ന ഷാജഹാനും ഭാര്യ അമീനയും ഉടൻ തന്നെ മറ്റൊരു വീട്ടിലേക്ക് മാറി. ഇവർ പോയതിന് പിന്നാലെ ഫൈസൽ വീടിന് തീയിടുകയായിരുന്നു. തീ പടർന്നതോടെ വീട്ടിലുണ്ടായിരുന്ന ഗ്യാസ് സിലിണ്ടർ വലിയ ശബ്ദത്തോടെ പൊട്ടിത്തെറിച്ചു. സ്ഫോടന ശബ്ദം കേട്ടെത്തിയ നാട്ടുകാരാണ് അഗ്നിരക്ഷാ സേനയെ വിവരമറിയിച്ചത്.