കൊലപാതകത്തിലേക്ക് നയിച്ചതെന്ത്? പണയം വയ്ക്കാന്‍ വല്ല്യുമ്മയുടെ സ്വര്‍ണമാല ചോദിച്ച അഫാന് കിട്ടിയ മറുപടിയോ?

തിരുവനന്തപുരം: വെഞ്ഞാറമൂട്ടില്‍ 23കാരന്‍ അഫാന്‍ നടത്തിയ കൂട്ടക്കൊലയുടെ ഞെട്ടലിലാണ് നാട്. സഹോദരന്‍ 13 വയസുകാരനായ അഫ്സാന്‍, അമ്മ ഷമീന, പെണ്‍സുഹൃത്ത് ഫര്‍ഷാന, പിതാവിന്റെ അമ്മ സല്‍മാ ബീവി, പിതൃസഹോദരൻ ലത്തീഫ്, ഇയാളുടെ ഭാര്യ ഷാഹിദ എന്നിവരെയാണ് അഫാന്‍ ആക്രമിച്ചത്. ഇവരില്‍ ഷമീന ഒഴികെ മറ്റെല്ലാവരും മരിച്ചതായാണ് വിവരം. എന്നാൽ ഈ ക്രൂരകൃത്യത്തിലേക്ക് യുവാവിനെ നയിച്ചതിന്റെ കാരണങ്ങളായി പല അനുമാനങ്ങളാണ് എത്തുന്നത്. പ്രതി അഫാൻ പലപ്പോഴും തന്റെ ബന്ധുക്കളോട് പണത്തിനും സ്വർണത്തിനും വേണ്ടി ആവശ്യപ്പെട്ടിരുന്നതായി മൊഴികൾ. ഏറ്റവുമൊടുവിൽ ആവശ്യപ്പെട്ട സ്വർണം നൽകാൻ കഴിയാതിരുന്നതാകാം ഈ കൊടുംക്രൂരതയ്ക്ക് കാരണമെന്നാണ് നിഗമനം. കൊല്ലപ്പെട്ട സൽമാബീവിയുടെ മൂത്തമകൻ ബദറുദീന്റെ മൊഴി പ്രകാരം, രണ്ട് ദിവസം മുമ്പ് പണയം വയ്ക്കാൻ സ്വർണമാല ആവശ്യപ്പെട്ട് അഫാൻ വീട്ടിൽ വന്നിരുന്നു.