Gold Smuggling Case | സ്വർണക്കടത്ത് കേസിൽ NIA തേടുന്ന മൂന്നാം പ്രതി ഫൈസൽ ഫരീദ് ആരാണ്?

സ്വര്‍ണക്കടത്തിൽ അറസ്‌റ്റിലായ സ്വപ്‌ന സുരേഷ്‌, സന്ദീപ്‌ നായര്‍, പി.എസ്‌.സരിത്ത്‌ എന്നിവര്‍ ഫരീദിന്റെ നിര്‍ദേശപ്രകാരമാണ്‌ പ്രവര്‍ത്തിച്ചിരുന്നത്‌. സന്ദീപിന്‌ ബെന്‍സ്‌ കാര്‍ വാങ്ങിനല്‍കിയത്‌ ഫരീദാണെന്നാണ് സൂചന. തിരുവനന്തപുരത്തെ യുഎഇ കോൺസുലേറ്റ് വിലാസത്തിലെത്തിയ 30 കിലോ സ്വർണം അയച്ചത് ഫൈസലായിരുന്നു. നേരത്തെയും ഇയാൾ കള്ളക്കടത്ത് നടത്തിയിരുന്നതായും വിവരമുണ്ട്. ഇയാളെ നാട്ടിലെത്തിക്കാനുള്ള ശ്രമത്തിലാണ് അന്വേഷണ സംഘം.