കോട്ടയത്ത് യുവാവിനെ കുത്തിക്കൊന്നു;നഗരസഭ മുൻ കൗൺസിലറും മകനും കസ്റ്റഡിയിൽ

കൊല്ലപ്പെട്ട ആദർശും മുൻ കൗൺസിലറുടെ മകൻ അഭിജിത്തും തമ്മിലണ്ടായിരുന്ന സാമ്പത്തിക തർക്കമാണ് കൊലപാതകത്തിലേക്ക് നയിച്ചതെന്നാണ് വിവരം. കഴിഞ്ഞ ദിവസം അർദ്ധരാത്രിയോടെ ആദർശും സുഹൃത്തുക്കളും അഭിജിത്തിന്റെ വീട്ടിലെത്തി ബഹളുമുണ്ടാക്കുകയും തുടർന്ന് ഇത് സംഘർഷത്തിൽ കലാശിക്കുകയുമായിരുന്നു. ഇതിനിടെ അഭിജിത്ത് കത്തിയെടുത്ത് ആദർശിനെ കുത്തി.

കുത്തുകൊണ്ട് ബോധരഹിതനായ ആദർശിനെ ഉടൻ തന്നെ കോട്ടയം മെഡിക്കൽ കോളേജ് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. അഭിജിത്തിനെതിരെ നേരത്തെയും സാമ്പത്തിക പരാതികൾ ഉയർന്നിട്ടുണ്ട്. അനിൽകുമാറിനേയും മകൻ അഭിജിത്തിനേയും പൊലീസ് ചോദ്യം ചെയ്യ്തു വരികയാണ്.