റെയില്വേ പാളത്തിൽ സിലിണ്ടറും സൈക്കിളും വച്ച് റീൽ ; യൂട്യൂബർ ഗുൽസാർ ഷെയ്ഖ് അറസ്റ്റില്
- Published by:Rajesh V
- news18-malayalam
Last Updated:
ലീഗൽ ഹിന്ദു ഡിഫൻസ് അടക്കമുള്ള സംഘടനകൾ യൂട്യൂബറുടെ അപകടകരമായ നടപടിക്കെതിരെ പരാതി നൽകിയിരുന്നു
വന്ദേഭാരത് അടക്കമുള്ള ട്രെയിനുകൾക്ക് മുന്നിൽ റെയിൽ പാളത്തിൽ സിലിണ്ടറുകളും സൈക്കിളുകളും സോപ്പുകളും കല്ലുകളും വച്ച് റീൽ ചെയ്ത യൂട്യൂബർ ഗുൽസാർ ഷെയ്ഖിനെ പൊലീസ് അറസ്റ്റ് ചെയ്തു. ഷെയ്ഖിന്റെ അപകടകരമായ നടപടികൾക്കെതിരെ ലീഗൽ ഹിന്ദു ഡിഫൻസ് നൽകിയ പരാതിയെ തുടർന്നാണ് അറസ്റ്റ്. ഗുൽസാറിനെതിരെ ആർപിഎഫും കേസെടുത്തിരുന്നു. ഉത്തർപ്രദേശിലെ ഖന്ദ്രൗലി ഗ്രാമത്തിലെ വീട്ടിൽ നിന്നാണ് ആർപിഎഫ് പ്രതിയെ അറസ്റ്റ് ചെയ്തത്.
പ്രയാഗ്രാജ് ജില്ലയിലെ ലാൽഗോപാൽഗഞ്ച് പ്രദേശത്തുനിന്നുള്ളതാണ് ഗുൽസാർ ഷെയ്ഖിന്റെ വീഡിയോകൾ. 2.35 ലക്ഷം വരിക്കാരുള്ള ഇന്ത്യൻ ഹാക്കർ എന്ന പേജിലാണ് ഈ വീഡിയോകൾ പോസ്റ്റ് ചെയ്തിരിക്കുന്നത്. യൂട്യൂബിൽ വ്യൂസ് വർധിപ്പിക്കാനാണ് റെയിൽവേ യാത്രക്കാരുടെ ജീവൻ അപകടത്തിലാക്കുന്ന വിധത്തിൽ ട്രെയിനുകൾക്ക് മുന്നിൽ ഗുൽസാർ ഷെയ്ഖ് പല വസ്തുക്കൾ സ്ഥാപിച്ചത്. സൈക്കിളുകളും സിലിണ്ടറുകളും മോട്ടോറുകളും മറ്റ് സമാന വസ്തുക്കളും റെയിൽവേ ട്രാക്കിൽ സ്ഥാപിക്കുന്നതിന്റെ വീഡിയോകൾ സോഷ്യൽ മീഡിയയിൽ വൈറലാണ്.
“Rail Jihadi” Gulzar arrested
रेल जिहादी गुलज़ार गिरफ़्तार
I assured you that Rail Jihadi won’t be spared by authorities @legalhindudef
Thank you @myogiadityanath @Uppolice @RailMinIndia @AshwiniVaishnaw https://t.co/oMTTc29Up0 pic.twitter.com/AytyZGZBy3
— Shehzad Jai Hind (Modi Ka Parivar) (@Shehzad_Ind) August 1, 2024
advertisement
ട്രെയിൻ വരുന്നതിനു മുൻപായി വലിയ സൈക്കിൾ ട്രാക്കിനു നടുവിൽ വയ്ക്കുന്നു. ട്രെയിൻ പൂർണമായും കടന്നുപോയ ശേഷമുള്ള സൈക്കിളിന്റെ അവസ്ഥയാണ് പിന്നീട് വീഡിയോയിൽ കാണിക്കുന്നത്. ഇത്തരത്തിലുള്ള വീഡിയോകളാണ് എല്ലാം.
ബിജെപി വക്താവ് ഷെഹ്സാദ് പൂനാവാലയാണ് യൂട്യൂബറുടെ അറസ്റ്റ് എക്സിലൂടെ പങ്കുവച്ചത്. 'റെയിൽ ജിഹാദി' എന്ന് വിശേഷിപ്പിച്ചുകൊണ്ടാണ് കുറിപ്പ്. ഉടനടി നടപടി സ്വീകരിച്ചതിന് മുഖ്യമന്ത്രി യോഗി ആദിത്യനാഥ്, യുപി പൊലീസ്, റെയിൽവേ മന്ത്രി അശ്വിനി വൈഷ്ണവ് എന്നിവർക്ക് അദ്ദേഹം നന്ദി പറഞ്ഞു.
advertisement
Summary: YouTuber Gulzar Sheikh, who was trying to endanger the lives of passengers placing various objects, including cycles, soaps, and stones, on railway tracks in the name of content creation, has been arrested by the UP police. The news was announced by BJP Spokesperson Shehzad Poonawalla.
Location :
Lucknow,Lucknow,Uttar Pradesh
First Published :
August 02, 2024 12:51 PM IST
മലയാളം വാർത്തകൾ/ വാർത്ത/Crime/
റെയില്വേ പാളത്തിൽ സിലിണ്ടറും സൈക്കിളും വച്ച് റീൽ ; യൂട്യൂബർ ഗുൽസാർ ഷെയ്ഖ് അറസ്റ്റില്