COVID-19: ഓക്സിമീറ്റർ വാങ്ങുന്നതിന് മുമ്പ് ശ്രദ്ധിക്കേണ്ട കാര്യങ്ങൾ

കോവിഡ് വ്യാപനത്തിന്റെ രണ്ടാം ഘട്ടം വലിയ നാശ നഷ്ടങ്ങളാണ് ഇന്ത്യയിൽ വിതച്ചത്. റെക്കോർഡ് കണക്കിന് പുതിയ കേസുകൾ ദിനേന റിപ്പോർട്ട് ചെയ്യപ്പെടുകയും നിരവധി പേർ മരണപ്പെടുകയും ചെയ്ത ഈ കാലയളവിൽ രാജ്യത്തെ ആരോഗ്യ സംവിധാനങ്ങളുടെ നട്ടെല്ലിന് തന്നെ ക്ഷതം ഏറ്റെന്നാണ് വിദഗ്ദ്ധർ അഭിപ്രായപ്പെട്ടത്. എന്നാൽ ഈ പ്രതിസന്ധിയുടെ സാഹചര്യത്തിൽ ആശങ്ക വേണ്ട എന്നും കൂടുതൽ മുൻകരുതൽ സ്വീകരിക്കണമെന്നുമാണ് ഡോക്ടർമാർ പറയുന്നത്. കോവിഡിന്റെ ലക്ഷണങ്ങളിൽ ഏറ്റവും പ്രധാനപ്പെട്ടതാണ് ഓക്സിജൻ ലെവൽ താഴോട്ട് പോകുക എന്നത്. അത് കൊണ്ടാണ് ആളുകൾ വീടുകളിൽ ഓക്സിമീറ്ററുകൾ ഉപയോഗിക്കുന്നത്.