ഹമാസ് ഇസ്രായേലിന്റെ അയണ്‍ ഡോം പ്രതിരോധ സംവിധാനത്തെ മറികടന്നത് എങ്ങനെ?

ഗാസയില്‍ നിന്ന് ആയിരക്കണക്കിന് റോക്കറ്റുകള്‍ തൊടുത്തുവിട്ടു കൊണ്ട് പലസ്തീന്‍ സംഘടനയായ ഹമാസ് ഇസ്രയേലിനെതിരേ അപ്രതീക്ഷിതമായ ആക്രമണം നടത്തിയിരിക്കുകയാണ്. ഇതിനുപുറമെ ആളുകളെ കൊല്ലാനും തട്ടിക്കൊണ്ടുപോകാനും നിരവധി പോരാളി തങ്ങളുടെ അനുയായികളെയും അവിടേക്ക് അയച്ചിരിക്കുന്നു. ഈ സംഘര്‍ഷത്തില്‍ 200-ല്‍ പരം ഇസ്രയേല്‍ സ്വദേശികള്‍ കൊല്ലപ്പെടുകയും 1000-ല്‍ പരം ആളുകള്‍ക്ക് പരിക്കേല്‍ക്കുകയും ചെയ്തിട്ടുണ്ട്. ഇസ്രയേലിന്റെ അയണ്‍ ഡോം പ്രതിരോധ സംവിധാനം ഹമാസിന്റെ നിരവധി റോക്കറ്റുകള്‍ക്ക് തടയിട്ടെങ്കിലും മറ്റു പല റോക്കറ്റുകളും ഇസ്രയേലിന്റെ വിവിധ ഭാഗങ്ങളില്‍ പതിച്ചത് നൂറ്റാണ്ടിലെ ഏറ്റവും രക്തരൂക്ഷിതമായ ഏറ്റുമുട്ടലിലേക്കാണ് എത്തിച്ചിരിക്കുന്നത്. ഗാസ മുനമ്പില്‍ നിന്ന് ഹമാസ് തൊടുത്തുവിട്ട റോക്കറ്റുകളെ പ്രതിരോധിക്കാന്‍ അയണ്‍ ഡോം സംവിധാനത്തിന് കഴിവുണ്ടെന്ന് ഇതിനോടകം തന്നെ തെളിയിക്കപ്പെട്ടിട്ടുണ്ട്. എന്നാല്‍, ശനിയാഴ്ച നടന്ന ആക്രമണത്തില്‍ ഈ സംവിധാനം എത്രത്തോളം ഫലപ്രദമായിരുന്നുവെന്ന് ഇതുവരെയും വ്യക്തമല്ല.