Five Eyes | എന്താണ് ഫൈവ് ഐസ്? കാനഡയ്ക്ക് നിർണായക വിവരങ്ങൾ കൈമാറിയത് 'ഫൈവ് ഐസ്' എന്ന് യുഎസ് പ്രതിനിധി

”ഇത് പരസ്പരം കൈമാറിയ രഹസ്യാന്വേഷണ വിവരങ്ങളുടെ കാര്യമാണ്. ഇതേപ്പറ്റി കാനഡയും യുഎഎസ്എയും തമ്മിൽ ആശയവിനിമയം നടത്തി വരുന്നു. ഇതിൽ കൂടുതൽ ഇതേപ്പറ്റി സംസാരിക്കാൻ കഴിയില്ല,” എന്ന് കാനഡയിലെ യുഎസ് അംബാസിഡർ ഡേവിഡ് കോഹൻ സിടിവി ന്യൂസിന് നൽകിയ അഭിമുഖത്തിൽ പറഞ്ഞു.

ഫൈവ് ഐസ് ഇന്റലിജൻസ് ഓവർസൈറ്റ് ആൻഡ് റിവ്യൂ കൗൺസിൽ അഥവാ FVEY എന്നും ഈ സഖ്യം അറിയപ്പെടുന്നു. അഞ്ച് രാജ്യങ്ങളാണ് ഈ സഖ്യത്തിലെ പ്രധാന പങ്കാളികൾ. ഓസ്ട്രേലിയയുടെ ഇൻസ്പെക്ടർ ജനറൽ ഓഫ് ഇന്റലിജൻസ് ആൻഡ് സെക്യൂരിറ്റി,  കാനഡയിലെ ഇന്റലിജൻസ് റിവ്യൂ കമ്മിറ്റി, ന്യൂസിലാന്റിലെ ദ കമ്മീഷണർ ഓഫ് ഇന്റലിജെൻസ് വാറന്റ്സ് ആൻഡ് ദ ഓഫീസ് ഓഫ് ദ ഇൻസ്പെക്ടർ ജനറൽ ഓഫ് ഇന്റലിജൻസ് ആൻഡ് സെക്യൂരിറ്റി (the Commissioner of Intelligence Warrants and the Office of the Inspector-General of Intelligence and Security) യുകെയിലെ ഇൻവെസ്റ്റിഗേറ്ററി പവേർസ് കമ്മീഷണർ ഓഫീസ്,

ഹ്യൂമൻ ഇന്റലിജൻസ്, സിഗ്നൽ ഇന്റലിജൻസ്, സുരക്ഷ, പ്രതിരോധ ഇന്റലിജൻസ് എന്നിവയുമായി ബന്ധപ്പെട്ട വിവരങ്ങൾ സഖ്യത്തിലെ അംഗരാജ്യങ്ങൾക്കിടയിൽ പരസ്പരം കൈമാറി വരുന്നു. പ്രധാന ലക്ഷ്യങ്ങൾ;

സഖ്യകക്ഷികൾ തമ്മിലുള്ള സന്തുലിതാവസ്ഥ നിലനിർത്തേണ്ടതിനാൽ ഈ വിഷയത്തിൽ വ്യക്തമായി പ്രതികരിക്കാൻ അമേരിക്കൻ വൃത്തങ്ങൾ തയ്യാറായിട്ടില്ല. അതേസമയം നിജ്ജാറിന്റെ കൊലപാതകവുമായി ബന്ധപ്പെട്ട വിഷയത്തിൽ കാനഡയുമായി സഹകരിച്ച് പ്രവർത്തിക്കാൻ ഇന്ത്യ തയ്യാറാകണമെന്ന് യുഎസ് സ്റ്റേറ്റ് സെക്രട്ടറി ആന്റണി ബ്ലിങ്കൺ അഭ്യർത്ഥിച്ചു.

നിജ്ജാറിന്റെ കൊലപാതകവുമായി ബന്ധപ്പെട്ട അന്വേഷണവുമായി ഇന്ത്യ സഹകരിക്കണമെന്ന് കനേഡിയൻ പ്രധാനമന്ത്രി ജസ്റ്റിൻ ട്രൂഡോ ആവശ്യപ്പെട്ടിരുന്നു. കൊലപാതകവുമായി ബന്ധപ്പെട്ട തെളിവുകൾ ഇന്ത്യയുമായി പങ്കുവെച്ചിരുന്നുവെന്നും അദ്ദേഹം പറഞ്ഞു. എന്നാൽ ട്രൂഡോയുടെ ആരോപണങ്ങൾ അടിസ്ഥാന രഹിതമാണെന്നാണ് ഇന്ത്യയുടെ വാദം.