'ദിലീപ് കുട്ടിക്കാലം മുതൽ അറിയുന്ന വ്യക്തി..തെറ്റ് ചെയ്യുമെന്ന് കരുതുന്നില്ല'; അതിജീവിതയ്ക്ക് നീതി ലഭിച്ചെന്ന് വിശ്വസിക്കുന്നു; ടിനി ടോം

കൊച്ചി: നടി ആക്രമിക്കപ്പെട്ട കേസിൽ കോടതി വിധിയോട് പ്രതികരിച്ച് നടൻ ടിനി ടോം. കോടതിയാണ് അന്തിമം എന്ന് വിശ്വസിക്കുന്നതിനാൽ അതിജീവിതയ്ക്ക് നീതി ലഭിച്ചെന്ന് വിശ്വസിക്കുന്നതായി അദ്ദേഹം വ്യക്തമാക്കി. 'കോടതിയാണ് അന്തിമം. കുറ്റക്കാരാണെന്ന് കണ്ടെത്തിയവരെയൊക്കെ ശിക്ഷിച്ചിട്ടുണ്ട്. തെറ്റ് ചെയ്തിട്ടില്ലെന്ന് കോടതിക്ക് ബോധ്യപ്പെട്ടവരെ ശിക്ഷിച്ചിട്ടുമില്ല. കോടതി വിധി അംഗീകരിക്കുന്നു. അതിജീവിത ഞങ്ങൾക്കൊപ്പമുള്ള ആളാണ്. ഇത്രയും കാലം ശിക്ഷ അനുഭവിച്ച ആളും ഞങ്ങൾക്കൊപ്പമുള്ള ആളാണ്. അഗ്നിശുദ്ധി വരുത്തി സത്യം പുറത്തുവരാനാണ് ഞങ്ങൾ കാത്തിരുന്നത്. കോടതിയെ വിശ്വസിക്കുന്നു, അതിനാൽ അതിജീവിതയ്ക്ക് നീതി ലഭിച്ചെന്ന് വിശ്വസിക്കുന്നു,' ടിനി ടോം പറഞ്ഞു.