പൂവൻ കോഴി സാക്ഷിയായ കൊലപാതക കേസ് സിനിമയാവുന്നു; നായകൻ അജു വർഗീസ്

Published by:meera_57
news18-malayalam

Last Updated:Feb 23, 2024 1:31 PM IST

അജു വർഗീസ് നായകനാവുന്ന കോമഡി ഇൻവെസ്റ്റിഗേഷൻ- ബഡ്ഡി കോപ്പ് ചിത്രം, മിഥുൻ മാനുവൽ തോമസിന്റെ അസോസിയേറ്റായ രാഹുൽ ആർ. ശർമ്മ സംവിധാനം ചെയ്യുന്നു

Impact Shortsഗേറ്റ് വേ ഏറ്റവും പുതിയ വാർത്തയ്ക്കായി

1993 ൽ കാസർഗോഡ് ബദിയടുക്ക ദേവലോകത്ത്‌ നടന്ന കൊലപാതകത്തെ അടിസ്ഥാനപ്പെടുത്തി സിനിമ ഒരുങ്ങുന്നു. പൂവൻ കോഴി സാക്ഷിയായ അസാധാരണമായ കേസായിരുന്നു അത്. ആ സംഭവത്തെ ആസ്പദമാക്കി 'ടേക്ക് ഓഫ്' എന്ന ചിത്രത്തിലൂടെ ശ്രദ്ധേയനായ പി.വി. ഷാജികുമാർ എഴുതിയ 'സാക്ഷി' എന്ന കഥയാണ് സിനിമയാകുന്നത്.

അജു വർഗീസ് നായകനാവുന്ന കോമഡി ഇൻവെസ്റ്റിഗേഷൻ- ബഡ്ഡി കോപ്പ് ചിത്രം, മിഥുൻ മാനുവൽ തോമസിന്റെ അസോസിയേറ്റായ രാഹുൽ ആർ. ശർമ്മ സംവിധാനം ചെയ്യുന്നു.

Also read: മരണകാരണമറിയാതെ ചെരിപ്പിടില്ല എന്ന് വാശിപിടിക്കുന്ന ആത്മാവ്; വ്യത്യസ്ത പ്രമേയവുമായി 'കുട്ടൻ്റെ ഷിനിഗാമി'

പി.വി. ഷാജികുമാർ തന്നെ തിരക്കഥയെഴുതുന്നു. കന്യക ടാക്കീസ്, ടേക്ക് ഓഫ്, പുത്തൻ പണം, ടീച്ചർ തുടങ്ങിയ ചിത്രങ്ങളുടെ തിരക്കഥാകൃത്താണ് പി.വി. ഷാജികുമാർ. കാസർഗോഡ് മംഗലാപുരം പശ്ചാത്തലത്തിൽ ഒരുങ്ങുന്ന ചിത്രത്തിന്റെ ഷൂട്ടിംഗ് ഉടൻ ആരംഭിക്കും. പി.ആർ.ഒ.- എ.എസ്. ദിനേശ്.

Summary: Aju Varghese plays lead in a movie based on a real-life murder case where a cock was witness to a cold-blooded murder