Asif Ali | മുട്ടിലേറ്റ പരിക്കിന് അഞ്ചു മാസങ്ങൾക്ക് ശേഷം ആസിഫ് അലി വീണ്ടും 'ടിക്കി ടാക്ക' സെറ്റിൽ

ആസിഫ് അലി ആരാധകർ ഏറെ ആവേശത്തോടെ കാത്തിരിക്കുന്ന ചിത്രമാണ് ടിക്കി ടാക്ക. തന്റെ കെ.ജി.എഫ്. ആണ് ടിക്കി ടാക്കയെന്ന് ആസിഫ് അലി ഒരു അഭിമുഖത്തിൽ പറഞ്ഞത് ഏറെ വൈറൽ ആയിരുന്നു. ടിക്കി ടാക്കയുടെ ചിത്രീകരണത്തിനിടെ പരിക്ക് പറ്റിയ സമയത്ത് താൻ ഏറെ വിഷമിച്ചിരുന്നുവെന്നും, തന്റെ കരിയറിലെ ഏറ്റവും നല്ല സമയത്തായിരുന്നു ഇങ്ങനെ ഒരു അപകടമെങ്കില്‍ ഇതൊരു അവധിസമയമായിട്ട് കണക്കാക്കിയേനെ. എന്നാല്‍, ഏറ്റവും മോശം സമയത്താണ് ഇത് സംഭവിച്ചത് എന്നും ഈ അടുത്ത് മറ്റൊരു അഭിമുഖത്തിൽ ആസിഫ് അലി പറഞ്ഞിരുന്നു.

120 ദിവസം കേരളത്തിനകത്തും പുറത്തുമായി വിവിധ ലൊക്കേഷനുകളിലാണ് ചിത്രീകരണം പുരോഗമിക്കുക. വിവിധ ഗെറ്റപ്പുകളിൽ ആസിഫ് ചിത്രത്തിൽ എത്തും എന്നും റിപോർട്ടുകൾ ഉണ്ട്. പി.ആർ.ഒ.: റോജിൻ കെ. റോയ്.