ചെയ്തുകൂട്ടിയ അഹങ്കാരത്തിന് ദൈവം തിരിച്ചു കൊടുക്കുന്ന പണിയാണിത്; രമേശ് നാരായണിനെതിരെ ധ്യാൻ

നടൻ ആസിഫ് അലിയിൽ നിന്നും ഹിന്ദുസ്ഥാനി സംഗീതജ്ഞൻ രമേശ് നാരായൺ പുരസ്കാരം തിരസ്കരിച്ച സംഭവത്തിൽ രൂക്ഷമായ പ്രതികരണവുമായി നടൻ ധ്യാൻ ശ്രീനിവാസൻ. എവിടെയെങ്കിലും ഒക്കെ ചെയ്തുകൂട്ടിയ അഹങ്കാരത്തിന് ദൈവം തിരിച്ചു കൊടുക്കുന്ന പണിയാണ് രമേശ് നാരായൺ കാണിച്ചത്. ഇപ്പോൾ മാപ്പ് പറഞ്ഞിട്ട് കാര്യമില്ല. കൈവിട്ടു പോയെന്നു മനസിലായപ്പോൾ മാത്രമാണ് മാപ്പ് പറഞ്ഞത്. അതിൽ ആത്മാർത്ഥതയുണ്ടെന്ന് തോന്നുന്നില്ല. താൻ ആസിഫിനൊപ്പമാണെന്നും ധ്യാൻ ശ്രീനിവാസൻ പ്രതികരിച്ചു.