'ലിജോ ഭായ് ’ഇങ്ങനെ ഒരു അത്ഭുതം കാണിച്ചതിന് നന്ദി ; ‘മലൈക്കോട്ടൈ വാലിബനെ പ്രശംസിച്ച് സംവിധായകന്‍ സാജിദ്‌ യാഹിയ

കാലഘട്ടങ്ങളോ ദേശ വ്യത്യാസങ്ങളോ ഇല്ലാതെ ലിജോ ജോസ് പെല്ലിശ്ശേരി സംവിധാനം ചെയ്ത മലൈക്കോട്ടൈ വാലിബൻ ഇന്ന് തീയറ്ററിൽ എത്തിയിരിക്കുകയാണ്. ആരാധകർ ഏറെ കാത്തിരുന്ന ചിത്രമാണ് ഇത്. പ്രണയവും,വിരഹവും, ദുഃഖവും, അസൂയയും, സന്തോഷവും, പ്രതികാരവുമൊക്കെയുള്ള ഒരു ചിത്രമാണ് ഇത്. ആദ്യ ദിനത്തിൽ തന്നെ പല രീതിയിലുള്ള അഭിപ്രായങ്ങളാണ് ഉയരുന്നത്. ഇപ്പോഴിതാ ചിത്രത്തെ പ്രശംസിച്ച് രംഗത്ത് വന്നിരിക്കുകയാണ് സംവിധായകന്‍ സാജിദ്‌ യാഹിയ. തിയറ്ററിൽ തന്നെ പോയി കണ്ടിരിക്കേണ്ട സിനിമയാണെന്നും മാസ്റ്റർ പീസ്സാണെന്നും സാജിദ്‌ യാഹിയ പറയുന്നു. ഫേസ്ബുക്കിലൂടെയാണ് താരത്തിന്റെ പ്രതികരണം.