ദസ്തയേവ്സ്കിയുടെ 'കുറ്റവും ശിക്ഷയും' മലയാളത്തിൽ ചലച്ചിത്രമാകുന്നു

റഷ്യന്‍ സര്‍ക്കാരും ദസ്തയേവ്സ്കി ഫൗണ്ടേഷനും ലോകമെങ്ങുമുള്ള ദസ്തയേവ്സ്കി ആരാധകരും ഈ ജന്മവാര്‍ഷികം കൊണ്ടാടുന്ന വേളയിലാണ് ബല്‍റാം മട്ടന്നൂര്‍ തിരക്കഥയെഴുതി

സംവിധാനം ചെയ്യുന്ന മലയാള ചലച്ചിത്രത്തിന്ന് തുടക്കം കുറിക്കുന്നത്.

ഒരു ഷേക്സ്പിയര്‍ കൃതി ഇന്ത്യയില്‍ ആദ്യമായി ചലച്ചിതമാക്കിയത് ബല്‍റാം മട്ടനൂരിന്റെ രചനയിലുടെ ആയിരുന്നു. 'ഒഥല്ലോ'യുടെ ചലച്ചിത്ര ആവിഷ്ക്കാരമായിരുന്നു 'കളിയാട്ടം'.

കണ്ണൂര്‍ ബിഷപ്പ് ഡോക്ടര്‍ അലക്സ് വടക്കുംതല ഗാനരചന നിര്‍വ്വഹിക്കുന്നു.

ജൂണില്‍ ഫോര്‍ട്ടു കൊച്ചിയില്‍ ചിത്രീകരണം ആരംഭിക്കുന്ന ഈ ചിത്രത്തില്‍ ഫോര്‍ട്ടു കൊച്ചിയിലെ ജീവിതം, ഭാഷ, സംസ്ക്കാരം ഒക്കെ പ്രതിപാദിക്കപ്പെടുന്നതാണ്.

മോസ്ക്കോയിലെയും സെന്റ് പീറ്റേഴ്സ് ബര്‍ഗിലെയും മലയാളികളായ സുഹൃത്തുക്കൾ സഹകരിക്കുന്ന ഈ ചിത്രം ഇന്ത്യയില്‍ നിന്ന് ദസ്തയേവ്സ്കിക്കുള്ള ആദരവായിരിക്കുമെന്ന് ബല്‍റാം മട്ടന്നൂര്‍ പറഞ്ഞു. താര നിർണയം പുരോഗമിക്കുന്ന ഈ ചിത്രത്തില്‍ പുതുമുഖങ്ങള്‍ക്ക് അവസരമുണ്ട്.