'ഏഴു കടല്, ഏഴു മലൈ'; കാത്തിരിപ്പിന് ഒടുവില് റാം- നിവിന് പോളി ചിത്രത്തിന് പേരായി
- Published by:Anuraj GR
- news18-malayalam
Last Updated:
തമിഴിലെ ബ്ലോക്ക്ബസ്റ്റര് ചിത്രം മാനാടിന് ശേഷം വി ഹൗസ് പ്രൊഡക്ഷന്സിന്റെ ബാനറില് സുരേഷ് കാമാച്ചി ബിഗ് ബഡ്ജറ്റില് ഒരുക്കുന്ന ചിത്രത്തില് നിവിന് പോളിയെ കൂടാതെ തമിഴ് നടന് സൂരിയും മുഖ്യകഥാപാത്രത്തെ അവതരിപ്പിക്കുന്നുണ്ട്
മെഗാസ്റ്റാര് മമ്മൂട്ടി നായകനായ പേരന്പ്, തരമണി, തങ്കമീന്കള്, കട്രത് തമിഴ് എന്നീ ഹിറ്റ് ചിത്രങ്ങള്ക്ക് ശേഷം ദേശീയ അവാര്ഡ് ജേതാവായ സംവിധായകന് റാം സംവിധാനം ചെയ്യുന്ന ഏറ്റവും പുതിയ ചിത്രത്തില് നായകനാവുന്നത് മലയാളി സൂപ്പര് താരം നിവിന് പോളി. "ഏഴു കടല്, ഏഴു മലൈ" എന്ന് പേരിട്ടിരിക്കുന്ന ചിത്രത്തിന്റെ ടൈറ്റില് അനൗൺസ്മെന്റ് ഇന്ന് സാമൂഹിക മാധ്യമങ്ങളിലൂടെ നടന്നു.
തമിഴിലെ ബ്ലോക്ക്ബസ്റ്റര് ചിത്രം മാനാടിന് ശേഷം വി ഹൗസ് പ്രൊഡക്ഷന്സിന്റെ ബാനറില് സുരേഷ് കാമാച്ചി ബിഗ് ബഡ്ജറ്റില് ഒരുക്കുന്ന ചിത്രത്തില് നിവിന് പോളിയെ കൂടാതെ തമിഴ് നടന് സൂരിയും മുഖ്യകഥാപാത്രത്തെ അവതരിപ്പിക്കുന്നുണ്ട്. ചിത്രത്തിലെ നായിക കഥാപാത്രത്തെ അവതരിപ്പിച്ചിരിക്കുന്നത് നടി അഞ്ജലിയാണ്. ചിത്രീകരണം പൂര്ത്തിയാക്കിയ സിനിമയുടെ പോസ്റ്റ് പ്രൊഡക്ഷന് ജോലികള് പുരോഗമിച്ചുക്കൊണ്ടിരിക്കുകയാണ്.
advertisement
ഹിറ്റ് സംഗീത സംവിധായകന് യുവന് ശങ്കര് രാജയാണ് ചിത്രത്തിനായി സംഗീതം പകരുന്നത്. വെട്ടം, ഒപ്പം തുടങ്ങിയ ചിത്രങ്ങള്ക്ക് ക്യാമറ ചലിപ്പിച്ച NK ഏകാംബരമാണ് ക്യാമറ കൈകാര്യം ചെയ്തിരിക്കുന്നത്. പ്രൊഡക്ഷന് ഡിസൈനര് - ഉമേഷ് ജെ കുമാര്, ചിത്രസംയോജനം - മതി വി എസ്, ആക്ഷന് - സ്റ്റണ്ട് സില്വ, കൊറിയോഗ്രഫി - സാന്ഡി. ബോളിവുഡ് സിനിമകളില് പ്രവര്ത്തിച്ച ചന്ദ്രക്കാന്ത് സോനവാനെയാണ് കോസ്റ്റ്യൂം ഡിസൈനര്. ദേശീയ അവാര്ഡ് ജേതാവായ പട്ടണം റഷീദാണ് ചമയം.
Click here to add News18 as your preferred news source on Google. സിനിമാ, ടെലിവിഷൻ, OTT ലോകത്തു നിന്നും ഏറ്റവും പുതിയ എന്റർടൈൻമെന്റ് വാർത്തകൾക്കായി News18 മലയാളത്തിനൊപ്പം വരൂ
Location :
First Published :
Oct 12, 2022 10:46 AM IST
മലയാളം വാർത്തകൾ/ വാർത്ത/Film/
'ഏഴു കടല്, ഏഴു മലൈ'; കാത്തിരിപ്പിന് ഒടുവില് റാം- നിവിന് പോളി ചിത്രത്തിന് പേരായി
