Tyler Sanders| സീരീസുകളിലൂടെ ശ്രദ്ധേയനായ യുവ താരം അന്തരിച്ചു; അപ്രതീക്ഷിത മരണം പതിനെട്ടാം വയസ്സിൽ

Published by:Naseeba TC
news18-malayalam

Last Updated:Jun 18, 2022 5:33 PM IST

മരണ കാരണം വ്യക്തമല്ല.

Impact Shortsഗേറ്റ് വേ ഏറ്റവും പുതിയ വാർത്തയ്ക്കായി

സീരീസുകളിലൂടെ ശ്രദ്ധേയനായ യുവതാരം ടൈലർ സാൻഡേർസ് (Tyler Sanders)അന്തരിച്ചു. പതിനെട്ട് വയസ്സായിരുന്നു. ആമസോൺ പ്രൈമിൽ പുറത്തിറങ്ങിയ 'ജസ്റ്റ് ആഡ് മാജിക്: മിസ്റ്ററി സിറ്റി' (Just Add Magic: Mystery City.)എന്ന സീരീസിലൂടെ ശ്രദ്ധേയനായ താരമാണ് സാൻഡേർസ്.

ലോസ് ആഞ്ചൽസിലെ വീട്ടിൽ വെച്ചാണ് മരണം എന്നാണ് റിപ്പോർട്ടുകൾ. മരണ കാരണം വ്യക്തമല്ല. ഇതുസംബന്ധിച്ച് അന്വേഷണം നടക്കുകയാണെന്നാണ് വിദേശമാധ്യമങ്ങൾ റിപ്പോർട്ട് ചെയ്യുന്നത്. പോസ്റ്റ്മോർട്ടം പൂർത്തിയായതായും റിപ്പോർട്ടുകളിൽ പറയുന്നു.

Also Read-നെഞ്ചിൽ സായ് പല്ലവിയുടെ മുഖം ടാറ്റൂ ചെയ്ത് ആരാധകൻ; ചേർത്ത് നിർത്തി താരം

9-1-1:ലോൺ സ്റ്റാർ, ഫിയർ ദി വാക്കിങ് ഡെഡ്, ദി റൂക്കി തുടങ്ങിയ സീരീസുകളിലൂടെ ശ്രദ്ധേയനാണ് സാൻഡേർസ്. 'ജസ്റ്റ് ആഡ് മാജിക്: മിസ്റ്ററി സിറ്റി' എന്ന സീരീസിൽ അവതരിപ്പിച്ച കഥാപാത്രത്തിന് എമ്മി നോമിനേഷനും നേടിയിരുന്നു.

View this post on Instagram

A post shared by Tyler Sanders (@tylermsanders)

പത്താമത്തെ വയസ്സിലാണ് സാൻഡേർസ് അഭിനയരംഗത്തേക്ക് എത്തുന്നത്. നിരവധി ഷോർട്ട് ഫിലിമുകളിൽ അക്കാലത്ത് ഭാഗമായിരുന്നു. 2017 ൽ ഫിയർ ഓഫ് ദി വാക്കിങ് ഡെഡ് എന്ന ടിവി പ്രോഗ്രാമിൽ ബാലതാരമായിട്ടാണ് ആദ്യ പ്രധാനവേഷത്തിൽ എത്തുന്നത്.

2019 ൽ പുറത്തിറങ്ങിയ ജസ്റ്റ് ആഡ് മാജിക്കിൽ പ്രധാന വേഷമായിരുന്നു സാൻഡേർസ് അവതരിപ്പിച്ചിരുന്നത്.