Vikram Movie| സിനിമയിലെ റോളെക്സിന് ഒറിജിനൽ റോളെക്സ് സമ്മാനിച്ച് കമൽഹാസൻ; ചിത്രം പങ്കുവെച്ച് സൂര്യ

Published by:Naseeba TC
news18-malayalam

Last Updated:June 08, 2022 4:12 PM IST

സിനിമയുടെ ഗംഭീര വിജയത്തിന് പിന്നാലെയാണ് സൂര്യയ്ക്ക് റോളക്സ് വാച്ച് കമൽഹാസൻ സമ്മാനിച്ചത്

Impact Shortsഗേറ്റ് വേ ഏറ്റവും പുതിയ വാർത്തയ്ക്കായി

വിക്രം സിനിമയിലെ (Vikram Movie)റോളക്സിന് യഥാർത്ഥ റോളക്സ് (Rolex) സമ്മാനിച്ച് ഉലകനായകൻ കമൽഹാസൻ (Kamal Haasan). സിനിമയുടെ ഗംഭീര വിജയത്തിന് പിന്നാലെയാണ് സൂര്യയ്ക്ക് (Suriya)റോളക്സ് വാച്ച് കമൽഹാസൻ സമ്മാനിച്ചത്. വിക്രമിന്റെ സംവിധായകൻ ലോകേഷ് കനകരാജും (Lokesh Kanagaraj)കമൽഹാസനൊപ്പമുണ്ടായിരുന്നു.

കമൽഹാസൻ വാച്ച് സമ്മാനിച്ചതിന്റെ ചിത്രങ്ങൾ സൂര്യ തന്റെ സോഷ്യൽമീഡിയയിലൂടെ പങ്കുവെച്ചിട്ടുണ്ട്. വിക്രമിൽ സുപ്രധാന അതിഥി വേഷത്തിലാണ് സൂര്യ എത്തുന്നത്. സൂര്യ അവതരിപ്പിച്ച റോളക്സ് എന്ന കഥാപാത്രം വിക്രമിന് അടുത്ത സീക്വൽ സാധ്യത നൽകുന്നുണ്ടെന്ന് റിലീസിന് മുമ്പ് തന്നെ ലോകേഷ് കനകരാജ് പറഞ്ഞിരുന്നു.

A moment like this makes life beautiful! Thank you Anna for your #Rolex! @ikamalhaasan pic.twitter.com/uAfAM8bVkM

— Suriya Sivakumar (@Suriya_offl) June 8, 2022

സൂര്യയ്ക്കൊപ്പം മുഴുനീള ചിത്രത്തിലെത്തുമെന്ന് കമൽഹാസൻ പറഞ്ഞതും ആരാധകരെ ആവേശത്തിലാക്കിയിട്ടുണ്ട്. റോളക്സ് എന്ന കഥാപാത്രമായി സൂര്യയും വിക്രമായി കമൽഹാസനും എത്തുന്നതിനുള്ള കാത്തിരിപ്പിലാണ് ആരാധകർ.

Also Read-അന്ന് തന്‍റെ കാര്‍ തൊട്ടുനോക്കി ; അതേ ആരാധകന് ഇന്ന് ആഡംബരകാര്‍ സമ്മാനിച്ച് കമല്‍ഹാസന്‍

സംവിധായകൻ ലോകേഷ് കനകരാജിന് ഒരു ആഢംബര കാറും കമൽ ഹാസൻ സമ്മാനിച്ചിരുന്നു. ടൊയോട്ടയുടെ പ്രീമിയം ബ്രാന്റായ ലെക്‌സസിന്റെ ആഡംബര സെഡാന്‍ മോഡൽ ഇ.എസ്.300എച്ച് ആണ് കമല്‍ ഹാസന്‍ ലോകേഷ് കനകരാജിന് സമ്മാനിച്ചത്.

Also Read-വിക്രം സിനിമയുടെ പ്രദർശനത്തിനിടെ തിയേറ്ററിൽ തീപിടിച്ചു; ക്ലൈമാക്സിനിടയിൽ ഇറങ്ങിയോടി കാഴ്ച്ചക്കാർ

കമല്‍ഹാസന്‍ വാഹനം ലോകേഷ് കനകരാജിന് സമ്മാനിക്കുന്നതിന്റെ ചിത്രങ്ങള്‍ സമൂഹിക മാധ്യമങ്ങളില്‍ വൈറലായിരുന്നു. എക്‌സ്‌ക്യുസിറ്റ്, ലക്ഷ്വറി എന്നീ രണ്ട് വേരിയന്റുകളില്‍ എത്തിയിട്ടുള്ള ഈ വാഹനത്തിന് യഥാക്രമം 56.65 ലക്ഷം രൂപയും 61.85 ലക്ഷം രൂപയുമാണ് എക്‌സ്‌ഷോറൂം വില.

Thank you so much Aandavarey @ikamalhaasan 🙏🏻 ❤️❤️❤️ pic.twitter.com/h2qZjWKApm

— Lokesh Kanagaraj (@Dir_Lokesh) June 7, 2022

നാല് വർഷങ്ങൾക്ക് ശേഷമെത്തിയ കമൽ ഹാസൻ ചിത്രം റിലീസ് ചെയ്ത് അഞ്ച് ദിവസത്തിനുള്ളിൽ 200 കോടിയിലേറെയാണ് കളക്ട് ചെയ്തത്. റിലീസിന് മുന്‍പേ സാറ്റലൈറ്റ്, ഒ.ടി.ടി. അവകാശം എന്നിവ വിറ്റ വകയില്‍ 200 കോടിയാണ് ‘വിക്രം’ നേടിയത്.

സിനിമാ, ടെലിവിഷൻ, OTT ലോകത്തു നിന്നും ഏറ്റവും പുതിയ എന്റർടൈൻമെന്റ് വാർത്തകൾക്കായി News18 മലയാളത്തിനൊപ്പം വരൂ

Location :

First Published :

June 08, 2022 4:12 PM IST

Vikram Movie| സിനിമയിലെ റോളെക്സിന് ഒറിജിനൽ റോളെക്സ് സമ്മാനിച്ച് കമൽഹാസൻ; ചിത്രം പങ്കുവെച്ച് സൂര്യ

Vikram Movie| സിനിമയിലെ റോളെക്സിന് ഒറിജിനൽ റോളെക്സ് സമ്മാനിച്ച് കമൽഹാസൻ; ചിത്രം പങ്കുവെച്ച് സൂര്യ

സിനിമയുടെ ഗംഭീര വിജയത്തിന് പിന്നാലെയാണ് സൂര്യയ്ക്ക് റോളക്സ് വാച്ച് കമൽഹാസൻ സമ്മാനിച്ചത്

ഫോട്ടോ

പ്രധാനപ്പെട്ട വാർത്ത