Kanguva Box Office :നെഗറ്റീവ് റിവ്യൂകളിൽ അടിപതറാതെ 150 കോടിയിലേക്കടുത്ത് സൂര്യയുടെ കങ്കുവ ; കളക്ഷൻ റിപ്പോർട്ട്

തെന്നിന്ത്യന്‍ സൂപ്പർ താരം സൂര്യയെ നായകനാക്കി ശിവ ഒരുക്കിയ ബ്രഹ്‌മാണ്ഡ തമിഴ് ചിത്രം 'കങ്കുവ' ബോക്‌സ്‌ഓഫീസില്‍ കുതിക്കുന്നു. 'കങ്കുവ'യുടെ ആദ്യ മൂന്ന് ദിവസത്തെ ആഗോള കളക്ഷൻ റിപ്പോർട്ട് പുറത്തുവിട്ടിരിക്കുകയാണ് അണിയറപ്രവര്‍ത്തകര്‍. മൂന്ന് ദിനം കൊണ്ട് 127 കോടി രൂപയാണ് ചിത്രം ആഗോള തലത്തില്‍ നേടിയിരിക്കുന്നത്.സിനിമയെ കുറിച്ചുള്ള നെഗറ്റീവ് റിവ്യൂകൾ ചിത്രത്തിന്റെ കളക്ഷനെ ബാധിച്ചിട്ടില്ലെന്ന് തെളിയിക്കുന്നതാണ് റിപ്പോർട്ട്. നവംബർ 14ന് ആഗോള റിലീസായി തീയേറ്ററുകളിൽ എത്തിയ ചിത്രം ആദ്യ ദിനത്തില്‍ 58 കോടിക്ക് മുകളിൽ ഗ്രോസ് കളക്ഷന്‍ നേടിയിരുന്നു. ഇതോടെ സൂര്യയുടെ കരിയറിലെ ഏറ്റവും വലിയ ആദ്യ ദിന ആഗോള ഗ്രോസ് കളക്ഷനായി കങ്കുവ മാറിയിരുന്നു. മൂന്ന് ദിനം കൊണ്ട് ചിത്രം 100 കോടി ക്ലബ്ബിലും ഇടംപിടിച്ചിരുന്നു. ഏറ്റവും വേഗത്തിൽ 100 കോടി ക്ലബിലെത്തുന്ന സൂര്യ ചിത്രമെന്ന റെക്കോർഡും കങ്കുവ സ്വന്തമാക്കിയിരിക്കുകയാണ് .