മതപരമായ ചടങ്ങുകൾ ഒഴിവാക്കി കന്നഡ നടന്റെ വിവാഹം; അതിഥികൾക്ക് സമ്മാനമായി നൽകിയത് ഭരണഘടന

Published by:Rajesh V
news18-malayalam

Last Updated:Feb 05, 2020 8:35 PM IST

മതപരമായ ആചാരങ്ങളിൽ വിശ്വസിക്കാത്തതിനാൽ സ്പെഷ്യൽ മാര്യേജ് ആക്ട് പ്രകാരം രജിസ്റ്റർ വിവാഹമായിരുന്നു നടൻ തെരഞ്ഞെടുത്തത്.

Impact Shortsഗേറ്റ് വേ ഏറ്റവും പുതിയ വാർത്തയ്ക്കായി

+ Follow usOn Google

കന്നഡ നടൻ ചേതനും ബെംഗളൂരു വിനോബാ ഭാവേ ആശ്രമത്തിലെ സാമൂഹ്യ പ്രവർത്തകയുമായ മേഘയും വിവാഹിതരായി. ഫെബ്രുവരി രണ്ടിനായിരുന്നു വിവാഹം. പരമ്പരാഗത രീതികളെല്ലാം ഉപേക്ഷിച്ചായിരുന്നു ഇരുവരുടെയും വിവാഹം. സിനിമാ താരങ്ങളുടെ വിവാഹ ചടങ്ങുകൾ കോടികൾ പൊടിപൊടിച്ചുള്ള മാമാങ്കമായി മാറുമ്പോൾ തീർത്തും ലളിതമായ വിവാഹ ചടങ്ങായിരുന്നു ഇവരുടേത്.

ചേതനും മേഘയും മതരപരമായ ആചാരങ്ങളിൽ വിശ്വസിക്കാത്തതിനാൽ സ്പെഷ്യൽ മാര്യേജ് ആക്ട് പ്രകാരമായിരുന്നു വിവാഹം നടന്നത്. പ്രതിജ്ഞ ചൊല്ലിയായിരുന്നു വിവാഹം. പ്രമുഖ ട്രാൻസ് ജെൻഡർ ആക്ടിവിസ്റ്റ് അക്കായി പത്മശാലിയുടെ നേതൃത്വത്തിലായിരുന്നു ചടങ്ങ്. ഇതുമാത്രമല്ല, വിവാഹത്തിന് എത്തിയ അതിഥികൾക്ക് ഇരുവരും ചേർന്ന് ഇന്ത്യൻ ഭരണഘടനയുടെ കോപ്പികളാണ് സമ്മാനമായി നൽകിയത്.

Also Read- തമിഴ് നടൻ യോഗി ബാബു വിവാഹിതനായി; വധു മഞ്ജു ഭാർഗവി

ഭരണഘടനാ മൂല്യങ്ങൾ ഉയർത്തിപ്പിടിക്കുന്നതിൽ വിശ്വസിക്കുന്നതിനാലാണ് ഭരണഘടനയുടെ കോപ്പികൾ അതിഥികൾക്ക് സമ്മാനമായി നൽകാൻ തീരുമാനിച്ചതെന്ന് ഇരുവരും പറയുന്നു. വിവാഹ ചിത്രങ്ങൾ ചേതൻ ഇൻസ്റ്റാഗ്രാമിൽ പങ്കുവെച്ചു.

View this post on Instagram

#Bernie2020 Thanks to all those from across our state, nation, & world who joined Megha & me for our marriage celebration of multiplicity & Constitutional values. You brought us joy. :) ಮೇಘ ಮತ್ತು ನನ್ನ ವಿವಾಹದ ಬಹುಸಂಸ್ಕೃತಿ ಮತ್ತು ಸಾಂವಿಧಾನಿಕ ಮೌಲ್ಯಗಳ ಸಂತೋಷ ಕೂಟಾಗೆ ಬಂದ ನಮ್ಮ ರಾಜ್ಯ, ರಾಷ್ಟ್ರ, ಮತ್ತು ಪ್ರಪಂಚದಾದ್ಯಂತದ ಎಲ್ಲರಿಗೂ ಧನ್ಯವಾದಗಳು. ನೀವು ನಮಗೆ ಸಂತೋಷವನ್ನು ತಂದಿದ್ದೀರಿ :) 02/02/2020 Ahimsa Bernie -- we are with you: #CaucusforBernie. Revolution underway! #bernieorbust

A post shared by Chetan Ahimsa (@chetanahimsa) on Feb 3, 2020 at 5:08pm PST