കാൻ ചലച്ചിത്ര മേളയിൽ ഒരു മലയാളി സാന്നിധ്യവും; 'പൊയ്യാമൊഴി' ആദ്യപ്രദർശനം കാൻ ഫെസ്റ്റിവലിന്റെ ഫിലിം മാർക്കറ്റിൽ

ഫ്രഞ്ച് റിവിയേറയിൽ കാൻ ചലച്ചിത്രമേളയ്ക്ക് കേളികൊട്ടുയരുമ്പോൾ മലയാളി സാന്നിധ്യമായി 'പൊയ്യാമൊഴി'. ആദ്യപ്രദർശനം കാൻ ഫെസ്റ്റിവലിന്റെ ഫിലിം മാർക്കറ്റിൽ നടക്കും. ചിത്രത്തിന്റെ ഫസ്റ്റ് ലുക്ക്‌ പോസ്റ്ററും പുറത്തിറങ്ങി. ടൈനി ഹാൻസ് പ്രൊഡക്ഷൻസിന്റെ ബാനറിൽ ജോസ് കുട്ടി മഠത്തിൽ നിർമ്മിച്ച് സുധി അന്ന സംവിധാനം ചെയ്തു ജാഫർ ഇടുക്കി, നഥാനിയേൽ എന്നിവർ പ്രധാന വേഷങ്ങൾ ചെയ്യുന്ന 'പൊയ്യാമൊഴി' എന്ന ചിത്രത്തിന്റെ ആദ്യ പ്രദർശനം ക്യാൻ ഫെസ്റ്റിവലിൽ വിവിധ രാജ്യങ്ങളിലെ ചലച്ചിത്ര കമ്പനികളും പ്രതിനിധികളും പങ്കെടുക്കുന്ന ഫിലിം മാർക്കറ്റിൽ നടക്കും. മെയ്‌ 19ന് രാത്രി 8 മണിക്കാണ് പ്രദർശനം.