#മീ ടൂ: ഹൗസ് ഫുൾ ഷൂട്ടിംഗ് നിർത്തി വയ്ക്കാൻ അക്ഷയ്

സംവിധായകനെതിരെ #മീ ടൂ വിവാദം ഉയർന്ന സാഹചര്യത്തിൽ താൻ നായകനാവുന്ന ഹൗസ് ഫുൾ 4 ചിത്രത്തിൻറെ ഷൂട്ടിംഗ് നിർത്തി വയ്ക്കാൻ നിർമ്മാതാക്കളോടു അക്ഷയ് കുമാർ. ഇറ്റലിയിൽ നിന്നും തിരിച്ചു നാട്ടിലെത്തിയ നടൻ സംഭവ വികാസങ്ങൾ അറിയാൻ ഇടയായതോടെയാണു ഷൂട്ടിംഗ് നിർത്തി വയ്ക്കാൻ ആവശ്യപ്പെട്ടത്. മുംബൈയിൽ ഷൂട്ടിംഗ് നടക്കാനിരിക്കവെയാണ് തീരുമാനം. ട്വിറ്ററിൽ തന്റെ നിലപാട് വ്യക്തമാക്കിയ അക്ഷയ്, സംവിധായകൻ സജിദ് ഖാനുമേൽ അന്വേഷണം ഉണ്ടാവുന്നതു വരെ ഷൂട്ടിംഗ് മുന്നോട്ടുകൊണ്ടു പോകണ്ടായെന്ന നിലപാടിലാണ്. ആരോപണ വിധേയനായ നാനാ പടേക്കറും ചിത്രത്തിലുണ്ടെന്നാണു സൂചന.