Aaraattu review | നെയ്യാറ്റിൻകര ഗോപന്റെ പൂണ്ടുവിളയാട്ടം; മാസ് ആക്ഷന്റെ 'ആറാട്ട്'

നെഞ്ച് വിരിച്ച് ലാലേട്ടൻ, മുണ്ടുമടക്കി ലാലേട്ടൻ, മീശപിരിച്ച് ലാലേട്ടൻ, റെയ്‌ബാൻ വച്ച് ലാലേട്ടൻ... കേട്ടിട്ടില്ലേ? മോഹൻലാൽ (Mohanlal) ആരാധകരുടെ ഫാൻസോംഗിന് ഇവിടെ എന്ത് കാര്യം എന്ന് ചോദിയ്ക്കാൻ വരുന്നെങ്കിൽ, കാര്യമുണ്ട്. അത്യാവശ്യം സ്റ്റൈലൻ ബിൽഡ്അപ്പോട് കൂടി അവതരിപ്പിക്കപ്പെടുന്ന നെയ്യാറ്റിൻകര ഗോപന്റെ (മീശപിരിക്കൽ അത്രകാര്യമായി പറയാനില്ലെങ്കിലും) 'ആറാട്ടിന്റെ' (Aaraattu) തുടക്കം എങ്ങനെയെന്ന് പറയാൻ മറ്റൊരു മാർഗം തേടിപ്പോകേണ്ടതില്ല. മാത്രവുമല്ല, എണ്ണംപറഞ്ഞ മലയാള സിനിമകളിൽ ആരാധകരെ മാസ് ആക്ഷൻ കാട്ടി ഹരംകൊള്ളിപ്പിച്ച നായകനായ ആ പഴയ മോഹൻലാലിന്റെ തിരിച്ചുവരവും കൂടിയായാൽ വേറെന്തു വേണം?