മുഖം സൗന്ദര്യം വർധിപ്പിക്കുന്ന ടിപ്പുമായി നയൻതാര; താരത്തിന്റെ പഴയകാല വീഡിയോ വൈറലാവുന്നു

'അയ്യാ' എന്ന ചിത്രത്തിലൂടെയാണ് നയൻ‌താര തമിഴിൽ അരങ്ങേറ്റം കുറിച്ചത്. അന്യ ഭാഷകളിലെ തിരക്കേറിയ നടിയായതോടു കൂടി നയൻസിനെ മലയാള സിനിമക്ക് കണികാണാൻ പോലും കിട്ടാത്ത അവസ്ഥയായി. ചന്ദ്രമുഖിയിലൂടെ സ്റ്റൈൽ മന്നൻ രജനികാന്തിന്റെ നായികയായി. രജനിയുടെ ഏറ്റവും പുതിയ ചിത്രം ദർബാറിലും നായിക നയൻസാണ്.

പക്ഷെ ഇതിനെല്ലാം മുൻപ് അവതാരകയും മോഡലുമായ നയൻതാരയെ അധികമാർക്കും പരിചയമില്ലായിരിക്കും. നയൻ‌താര അവതാരകയായി എത്തിയ ഒരു പരിപാടിയുടെ വീഡിയോ വൈറലാവുകയാണ്. സൗന്ദര്യ വർധനത്തിന് പ്ലാസ്റ്റിക് സർജറിയുടെ പ്രാധാന്യത്തെപ്പറ്റി പരിപാടി അവതരിപ്പിക്കുന്ന വിഡിയോയാണ് സോഷ്യൽ മീഡിയയിൽ എത്തിയിരിക്കുന്നത്. വീഡിയോ ചുവടെ: