Roses Are Red | 'പുരുഷാധിപത്യത്തെ തകർക്കണം' വൈറലായ റിയയുടെ ടി-ഷർട്ടിന് ആവശ്യക്കാരേറെ, കൂടുതൽ ടി-ഷർട്ടുകൾ നിർമിക്കാൻ കമ്പനി

റിയ ചക്രവർത്തി മാധ്യമങ്ങളിൽ നിറഞ്ഞത്. ബോളിവുഡ് താരം സുശാന്ത് സിംഗ് രാജ്പുതിന്റെ മരണത്തിൽ അവരുടെ പങ്ക്, അനധികൃതമായി മയക്കുമരുന്ന് കൈവശം വച്ചത് പിന്നെ അവർ അന്നേദിവസം ധരിച്ച ടി-ഷർട്ടും.

'റോസാപൂക്കൾ ചുവപ്പാണ്, വയലറ്റുകൾ നീലയാണ്, നമുക്ക് പുരുഷാധിപത്യത്തെ തകർക്കാം, ഞാനും നീയും' - കഴിഞ്ഞ ചൊവ്വാഴ്ച നാർകോടിക് കൺട്രോൾ ബ്യൂറോയുടെ മുമ്പിൽ ഹാജരാകാൻ എത്തിയപ്പോൾ റിയ ധരിച്ച ടി-ഷർട്ടിലെ വാചകങ്ങളാണ് ഇത്.

ഇന്ത്യയിലെ ഗ്രാമപ്രദേശങ്ങളിലുള്ള സ്ത്രീകൾക്ക് ആർത്തവകാലത്തെ സുരക്ഷിതമായ ശുചിത്വ പരിഹാരമാർഗങ്ങൾ എത്തിക്കുന്നത് ലക്ഷ്യം വച്ച് പ്രവർത്തിക്കുന്ന ഒരു സാമൂഹിക സംരംഭമാണ് സോൾഡ് സ്റ്റോറുമായി ചേർന്ന് പ്രവർത്തിക്കുന്ന ഗിവ് ഹെർ ഫൈവ് എന്ന എൻ.ജി.ഒ. 'ഒരു ടി-ഷർട്ട് = ഒരു പെൺകുട്ടിയുടെ ഒരു വർഷത്തേക്കുള്ള സാനിറ്ററി നാപ്കിനുകൾ" എന്നതാണ് ഇവരുടെ പ്രചരണവാക്കുകൾ. രാഹുൽ ബോസ്, ദിയ മിർസ എന്നീ പ്രമുഖരും

ടി-ഷർട്ടിന്റെ പ്രചരണാർത്ഥം എത്തിയിരുന്നു.

അതേസമയം, റിയ ചക്രവർത്തിയുടെ ടി-ഷർട്ട് വൈറലായതിനു ശേഷം നിരവധി ഉപഭോക്താക്കളാണ് ടി-ഷർട്ട് ആവശ്യപ്പെട്ട് ദ സോൾഡ് സ്റ്റോറിനെ സമീപിച്ചത്. ഈ പശ്ചാത്തലത്തിൽ കൂടുതൽ ടി-ഷർട്ടുകൾ ഉല്പാദിപ്പിക്കുന്നത് ആലോചനയിലാണെന്ന് ദ സോൾഡ് സ്റ്റോർ പറഞ്ഞു.