Sushant Singh Rajput | പാട്ടുപാടി സുശാന്തും സിഗരറ്റ് വലിച്ച് റിയയും; ഇതുവരെ ലോകം കാണാതിരുന്ന വീഡിയോ ഇപ്പോൾ വൈറൽ

അതേസമയം, വീഡിയോയുടെ ആധികാരികത ഉറപ്പു വരുത്തേണ്ടതുണ്ട്. വീഡിയോയിൽ സുശാന്ത് പാട്ടു പാടുന്നതും റിയ സിഗരറ്റ് വലിക്കുന്നതും കാണാവുന്നതാണ്.സീ ന്യൂസ് ആണ് വീഡിയോ പുറത്തുവിട്ടത്. വീഡിയോയിൽ സുശാന്ത് ഒരു ഭക്തിഗാനം ആലപിക്കുകയാണ്. ഒപ്പം ഫ്ലാറ്റിൽ അദ്ദേഹത്തോട് ഒപ്പമുണ്ടായിരുന്ന സാമുവൽ ഹോകിപ്, സിദ്ധാർത്ഥി പിഥാനി എന്നിവരെ സംഗീത ഉപകരണങ്ങൾ വായിക്കുന്ന രീതിയിലും കാണാം.

ജൂൺ പതിനാലിനാണ് സുശാന്ത് സിംഗ് രാജ്പുതിനെ മുംബൈയിലെ വീട്ടിൽ മരിച്ച നിലയിൽ കണ്ടെത്തിയത്. ഇത് ആത്മഹത്യയാണെന്ന നിഗമനത്തിൽ ആയിരുന്നു മുംബൈ പൊലീസ് എത്തിച്ചേർന്നത്. എന്നാൽ, ആത്മഹത്യയിലേക്ക് സുശാന്തിനെ നയിച്ചതിനെക്കുറിച്ചുള്ള കാരണങ്ങളെക്കുറിച്ച് അന്വേഷണം ആരംഭിച്ചിരുന്നു. നിലവിൽ സുശാന്തിന്റെ മരണം സിബിഐ, നാർകോടിക്സ് കൺട്രോൾ ബ്യൂറോ, എൻഫോഴ്സ്മെന്റ് ഡയറക്ടറേറ്റ് എന്നിവരാണ് അന്വേഷിക്കുന്നത്.

റിയയും ഷോവികും നൽകിയ പട്ടികയിൽ ബോളിവുഡിലെ 25 ഉന്നത സെലിബ്രിറ്റികളുടെ പേരുകൾ ഉണ്ടെന്നാണ് റിപ്പോർട്ട്. അന്വേഷണത്തിന്റെ ഭാഗമായി റിയ ഉൾപ്പെടെ ഇതുവരെ ആറുപേരെയാണ് നാർകോട്ടിക് വിഭാഗം അറസ്റ്റ് ചെയ്തിരിക്കുന്നത്.