Jawan Prevue | ഷാരൂഖ്, നയൻ‌താര, വിജയ് സേതുപതി, ദീപിക; തകർത്തു വാരുന്ന പ്രീവ്യൂ വീഡിയോയുമായി 'ജവാൻ'

ഷാരൂഖും ആറ്റ്ലിയും ആദ്യമായി ഒരുമിക്കുന്ന ചിത്രമായതുകൊണ്ട് തന്നെ ജവാൻ പ്രേക്ഷകർക്കു നൽകുന്ന പ്രതീക്ഷ ചെറുതല്ല. ഇവരോടൊപ്പം ഇന്ത്യയിലെ മികച്ച നടീനടന്മാർ ഒരുമിക്കുന്നു എന്നതും ആകാംക്ഷ നിറയ്ക്കുന്ന മറ്റു ഘടകങ്ങൾ ആണ്.

സൗത്ത് ഇന്ത്യൻ സെൻസേഷനായ നയൻതാരയും വിജയ് സേതുപതിയുമൊക്കെ ഷാരൂഖിനൊപ്പം ആറ്റ്ലീ യൂണിവേഴ്സിൽ തകർത്താടുന്നതു കാണാൻ ഇനി കുറച്ചു നാൾ കൂടി കാത്തിരുന്നാൽ മതി. സെപ്റ്റംബർ 7ന് റെഡ് ചില്ലീസിന്റെ ബാനറിൽ ഹിന്ദി, തമിഴ്, തെലുങ്ക് എന്നീ ഭാഷകളിലായി ഗൗരിഖാൻ ജവാൻ തീയേറ്ററിൽ എത്തിക്കും.

പത്താന്റെ ബോക്സ്‌ ഓഫീസ് വിജയം ആവർത്തിക്കാൻ, തീയേറ്ററുകളിലേക്കു ജനസഗാരമൊഴുക്കാൻ വേണ്ടിയുള്ള എല്ലാ ചേരുവകളും ജവാനിലും ഉണ്ടെന്നാണ് ആരാധകരുടെ കണക്കുകൂട്ടൽ.

സന്യ മൽഹോത്ര, പ്രിയാമണി എന്നിവരും ജവാനിൽ അഭിനയിക്കും.

ഷാരൂഖ് ഖാന്റെ അടുത്ത ചിത്രമായ ജവാനെക്കുറിച്ചുള്ള അപ്‌ഡേറ്റുകൾക്കായി കാത്തിരിക്കുകയാണ് ഷാരൂഖ് ഖാന്റെ ആരാധകർ. കഴിഞ്ഞ മാസം, ട്വിറ്ററിലെ ചോദ്യോത്തര സെഷനിൽ പ്രോജക്റ്റിനെക്കുറിച്ചുള്ള ചില ആരാധകരുടെ ചോദ്യങ്ങൾക്ക് താരം ഉത്തരം നൽകുകയും പ്രോജക്റ്റിനെക്കുറിച്ചുള്ള രസകരമായ ചില വിശദാംശങ്ങൾ വെളിപ്പെടുത്തുകയും ചെയ്തിരുന്നു.