Jyothika | കാൽ നൂറ്റാണ്ടിനു ശേഷം ജ്യോതിക ബോളിവുഡിൽ; ഒപ്പം അജയ് ദേവ്ഗണും മാധവനും

‘വശ്’ എന്ന സിനിമയുടെ ഹിന്ദി റീമേക്കിലാണ് ജ്യോതിക വേഷമിടുക.

വികാസ് ഭാൽ സംവിധാനം ചെയ്യുന്ന ചിത്രത്തിൽ മാധവൻ, അജയ് ദേവ്ഗൺ എന്നിവരോടൊപ്പം ജ്യോതികയും ചേരുന്നതിന്റെ പ്രഖ്യാപനം നിർമ്മാതാക്കൾ ട്വിറ്ററിലൂടെ നടത്തി. 25 വർഷത്തിന് ശേഷം ജ്യോതിക ഹിന്ദി സിനിമയിലേക്ക് തിരിച്ചെത്തുമ്പോൾ അജയ്‌ക്കൊപ്പം ആദ്യമായി സ്‌ക്രീൻ സ്പേസ് പങ്കിടുക കൂടിയാണ്. ഇതുവരെ പേരിട്ടിട്ടില്ലാത്ത ചിത്രത്തിൽ ആർ. മാധവനും അഭിനയിക്കുന്നു. മുമ്പ് ഡും ഡും ഡും, പ്രിയമാന തോഴി തുടങ്ങിയ ചിത്രങ്ങളിൽ ജ്യോതിക അഭിനയിച്ചിട്ടുണ്ട്. ഈ ജോഡി പ്രേക്ഷകർക്ക് വളരെയധികം ഇഷ്‌ടപ്പെടുക കൂടി ചെയ്തിട്ടുണ്ട്.

‘കാതൽ: ദി കോർ’ എന്ന സിനിമയിൽ മമ്മൂട്ടിയ്‌ക്കൊപ്പം ജ്യോതിക അടുത്തതായി വെള്ളിത്തിരയിലെത്തും. ദി ഗ്രേറ്റ് ഇന്ത്യൻ കിച്ചൺ ഒരുക്കിയ ജിയോ ബേബി സംവിധാനം ചെയ്യുന്ന ചിത്രം ഒരു ഫാമിലി ഡ്രാമയാണെന്നാണ് സൂചന.