Kerala State Film Awards | മികച്ച നടൻ മമ്മൂട്ടി, മികച്ച നടി വിൻസി അലോഷ്യസ്

53-ാമത് കേരള സംസ്ഥാന ചലച്ചിത്ര പുരസ്കാരങ്ങളിൽ മമ്മൂട്ടി മികച്ച നടനായി. ലിജോ ജോസ് പെല്ലിശ്ശേരി സംവിധാനം ചെയ്ത ‘നൻപകൽ നേരത്ത് മയക്കം’ സിനിമയിലെ പ്രകടനത്തിനാണ് പുരസ്‌കാരം. ‘പുഴു’, ‘ഭീഷ്മപർവം’ തുടങ്ങിയ സിനിമകളിലെ പ്രകടനവും ശ്രദ്ധ നേടിയിരുന്നു. മികച്ച നടിയായി വിൻസി അലോഷ്യസ് തിരഞ്ഞെടുക്കപ്പെട്ടു. രേഖ എന്ന സിനിമയിലെ പ്രകടനത്തിനാണ് പുരസ്‌കാരം. മഹേഷ് നാരായണനാണ് മികച്ച സംവിധായകൻ. അറിയിപ്പ് എന്ന സിനിമയ്ക്കാണ് പുരസ്‌കാരം. മികച്ച രണ്ടാമത് ചിത്രം: അടിത്തട്ട് (സംവിധായകൻ: ജിജോ ആന്റണി), മികച്ച ചിത്രം: നൻപകൽ നേരത്ത് മയക്കം (ലിജോ ജോസ് പെല്ലിശ്ശേരി)