രണ്ട് ആചാരങ്ങളിൽ വിവാഹം ചെയ്താൽ, ഏത് താലി അണിയണം? മാതൃകയായി പേളി മാണി

രണ്ടാചാരങ്ങളിൽ വിവാഹിതരാവുന്നത് പുതുമയല്ലാതായി മാറിയിരിക്കുന്നു. മതത്തിന്റെ ചട്ടക്കൂടുകൾക്കുള്ളിലേക്കു പറിച്ചു നടപ്പെടാതെ സ്വന്തം വിശ്വാസങ്ങളിൽ നിന്ന് കൊണ്ട് തന്നെ ആർക്കും വിവാഹം കഴിക്കാൻ ഇന്നൊരു തടസ്സവുമില്ല. ഒരു പക്ഷെ തല അജിത്, ശാലിനി ദമ്പതികളുടെ വിവാഹം മുതൽ സിനിമാ ലോകത്ത് കണ്ടു തുടങ്ങിയ ട്രെൻഡിന്റെ പുത്തൻ ഉദാഹരണങ്ങളാണ് റിയാലിറ്റി ഷോയിലൂടെ കുടുംബ ജീവിതത്തിലേക്ക് കടന്ന പേളി മാണിയും ശ്രീനിഷ് അരവിന്ദും. എന്നാൽ രണ്ട് ആചാരങ്ങളിലും വിവാഹിതയായാൽ ഏത് വിശ്വാസത്തിന്റെ താലി അണിയും എന്ന ചോദ്യത്തിന് ഉത്തരമാണ് പേളി മാണി. വിവാഹ ശേഷം പുറത്തു വന്ന പേളിയുടെ ചിത്രങ്ങളിൽ കഴുത്തിൽ രണ്ട് മാലകൾ കാണാം.