'താൻ ഒരു തെറ്റും ചെയ്യാത്ത പുണ്യാളൻ ആണോ?'; നടൻ വിനായകന് മറുപടിയുമായി നിർമാതാവ് ഷിബു ജി. സുശീലൻ

Published by:user_57
news18-malayalam

Last Updated:July 21, 2023 9:34 AM IST

'താൻ ഒരു തെറ്റും ചെയ്യാത്ത പുണ്യാളൻ ആണോ? ജീവിച്ചിരിക്കുമ്പോൾ തന്നെ മുഖത്തുനോക്കി ചോദിക്കൂ. അതാണ് ആണത്തം'

Impact Shortsഗേറ്റ് വേ ഏറ്റവും പുതിയ വാർത്തയ്ക്കായി

അന്തരിച്ച മുൻ മുഖ്യമന്ത്രി ഉമ്മൻ ചാണ്ടിയെ അവഹേളിച്ചുകൊണ്ട് ഫേസ്ബുക്ക് വീഡിയോയിൽ സംസാരിച്ച നടൻ വിനായകനെതിരെ രോഷം ഇരമ്പുകയാണ്. അത്യന്തം മോശം ഭാഷ ഉപയോഗിച്ചാണ് നടൻ അദ്ദേഹത്തിനെതിരെ പരാമർശം നടത്തിയത്. പരാമർശത്തെ തുടർന്ന് നടന്റെ കൊച്ചിയിലെ ഫ്ലാറ്റിനു നേരെ കോൺഗ്രസ് പ്രവർത്തകർ ആക്രമണം നടത്തി. ജനമനസുകളിൽ ഇടം നേടി, ജനസാഗരത്തെ സാക്ഷിയാക്കി യാത്രയായ നേതാവിനെപ്പറ്റി വികലമായ രീതിയിൽ സംസാരിച്ച നടനെതിരെ ചില ചോദ്യങ്ങളുമായി നിർമാതാവ് ഷിബു ജി. സുശീലൻ ഫേസ്ബുക്ക് പോസ്റ്റുമായി. അദ്ദേഹത്തിന്റെ വാക്കുകളിലേക്ക്:

Also read: നടൻ വിനായകന്റെ വീടിന് നേരെ കോൺഗ്രസ് പ്രവർത്തകരുടെ അക്രമണം; ജനൽ ചില്ല് തകർത്തു

മിസ്റ്റർ വിനായകൻ… താൻ മലയാള സിനിമക്കും,കേരളത്തിനും തന്നെ അപമാനം ആണല്ലോ, കഷ്ടം. സംസ്ക്കാരം അത് ജന്മനാൽ കിട്ടുന്നതാണ്. ബാക്കി വാചകം ഞാൻ പറയുന്നില്ല. ജീവിച്ചിരിക്കുന്ന സമയത്ത് ആര് തെറ്റ് ചെയ്താലും നിങ്ങൾക്ക് മുഖത്തു നോക്കി ചോദ്യം ചെയ്യാമായിരുന്നു. ഉമ്മൻ ചാണ്ടി സാറും തെറ്റ് ചെയ്തുക്കാണും. ഇല്ലെന്ന് ഞാൻ പറയുന്നില്ല. പക്ഷേ ഇപ്പോൾ താങ്കളുടെ പ്രതികരണം അസ്ഥാനത്തു ആയിപ്പോയി. രാഷ്ട്രീയം ഏതുമാകട്ടെ, ജനസമുദ്രമായിരുന്നു അദ്ദേഹത്തിന് യാത്ര നൽകിയത്. ഇവിടെ ഭരിക്കുന്നവർ ആരും തെറ്റ് ചെയ്യാത്തവരാണോ? താൻ ഒരു തെറ്റും ചെയ്യാത്ത പുണ്യാളൻ ആണോ? ജീവിച്ചിരിക്കുമ്പോൾ തന്നെ മുഖത്തുനോക്കി ചോദിക്കൂ. അതാണ് ആണത്തം.

കേരളത്തിൽ ഇത് പോലെ സ്നേഹത്തോടെ ജനങ്ങൾക്ക്‌ വേണ്ടി ജനങ്ങളുടെ ഇടയിലേക്ക് ഇറങ്ങി നടന്നിരുന്ന ജനനായകനെ ഇങ്ങനെ അവക്കേളിച്ചത് കൊണ്ട് നിങ്ങൾ എന്താ നേടിയത്? നിന്റെ അച്ഛൻ മരിക്കുന്നത്തിന് മുൻപ് എന്ത്‌ ചെയ്തെന്ന് നിനക്കും, എന്റെ അച്ഛൻ മരിക്കുന്നതിന് മുൻപ് എന്ത് ചെയ്തെന്ന് എനിക്കും കുടുബത്തിനും അറിയാം. അത് പോലെ ആണോ ഉമ്മൻ‌ ചാണ്ടി സർ? അത് ജനങ്ങൾക്കറിയാം. അതാണ് മൂന്നു ദിവസമായി കേരളത്തിൽ കണ്ട ജനസമുദ്രം. നിന്നെ തിരുന്നക്കര മൈതാനത്തു കിട്ടിയിരുന്നെങ്കിൽ ജനങ്ങൾ ചവിട്ടി അരച്ചേനെ!

Summary: Producer Shibu G. Suseelan slams actor Vinayakan, who passed derogatory comments on late former Chief Minister Oommen Chandy

സിനിമാ, ടെലിവിഷൻ, OTT ലോകത്തു നിന്നും ഏറ്റവും പുതിയ എന്റർടൈൻമെന്റ് വാർത്തകൾക്കായി News18 മലയാളത്തിനൊപ്പം വരൂ

Location :

Thiruvananthapuram,Kerala

First Published :

July 21, 2023 9:34 AM IST

'താൻ ഒരു തെറ്റും ചെയ്യാത്ത പുണ്യാളൻ ആണോ?'; നടൻ വിനായകന് മറുപടിയുമായി നിർമാതാവ് ഷിബു ജി. സുശീലൻ

'താൻ ഒരു തെറ്റും ചെയ്യാത്ത പുണ്യാളൻ ആണോ?'; നടൻ വിനായകന് മറുപടിയുമായി നിർമാതാവ് ഷിബു ജി. സുശീലൻ

'താൻ ഒരു തെറ്റും ചെയ്യാത്ത പുണ്യാളൻ ആണോ? ജീവിച്ചിരിക്കുമ്പോൾ തന്നെ മുഖത്തുനോക്കി ചോദിക്കൂ. അതാണ് ആണത്തം'

ഫോട്ടോ

പ്രധാനപ്പെട്ട വാർത്ത