Sunny Leone in Malayalam: സണ്ണി നൃത്തം ചെയ്യും, മമ്മൂട്ടിക്കൊപ്പം

ഇനി അധികം വൈകില്ല. ഉടൻ തന്നെ ബോളിവുഡ് താര റാണി സണ്ണി ലിയോണി ആരാധകരെ ത്രസിപ്പിക്കുന്ന നൃത്ത ചുവടുകളുമായി മലയാളി പ്രേക്ഷകർക്ക് മുന്നിലെത്തും. കഴിഞ്ഞ വർഷം നവംബർ മാസമാണ് സണ്ണി ഒരു മുഴുനീള മലയാള സിനിമയിൽ വേഷമിടുന്നതിനെപ്പറ്റി വാർത്ത പുറത്തു വന്നത്. എന്നാൽ ആ ചിത്രത്തിലേക്ക് ചുവടു വയ്ക്കും മുമ്പേയാണ് സണ്ണി ഐറ്റം ഡാൻസുമായി മലയാളികൾക്ക് മുന്നിൽ അവതരിക്കുന്നത്. എന്നാൽ സണ്ണിക്കൊപ്പം നൃത്ത രംഗത്തുള്ളത് ആരെന്നു കൂടി കേൾക്കുക. മറ്റാരുമല്ല, മെഗാ സ്റ്റാർ മമ്മൂട്ടി. മമ്മൂട്ടിയുടെ അടുത്ത ചിത്രം മധുര രാജക്ക് വേണ്ടിയാണ് സണ്ണി നൃത്തം ചെയ്യുന്നത്.